ការរីករាលដាលនៃជំងឺកូវីដ១៩រលកថ្មីដែលបណ្តាលមកពីវីរុសបម្លែងថ្មីប្រភេទDeltaកំពុងរាតត្បាតនៅទូទាំងពិភពលោក លោកTedrosអគ្គនាយកអង្គការសុខភាពពិភពលោកបានព្រមានថា វីរុសប្រភេទDeltaបានលេចចេញក្នុងប្រទេសនិងតំបន់យ៉ាងហោចណាស់ចំនួន១៣២លើពិភពលោក នេះប្រហែលនឹងធ្វើឱ្យប៉ះពាល់ដល់សមិទ្ធផលនៃការប្រយុទ្ធប្រឆាំងនឹងជំងឺឆ្លងដែលបានមកដោយមិនងាយនាពេលកន្លងមកនោះ។
លោកFouciប្រធានទីប្រឹក្សាផ្នែកសុខាភិបាលនៃរដ្ឋាភិបាលរបស់លោកបៃដិនបានព្រមានថា ការរីករាលដាលនៃជំងឺកូវីដ១៩រលកថ្មីដែលបណ្តាលមកពីវីរុសបម្លែងថ្មីប្រភេទDeltaនឹងមានភាពកាន់តែអាក្រក់ទៅៗនៅពេលអនាគត។
ក្នុងពេលជាមួយគ្នានេះ អ្នកជំនាញនៃអង្គការសុខភាពពិភពលោកបានគូសបញ្ជាក់ថា រាល់វ៉ាក់សាំងការពារជំងឺកូវីដ១៩ទាំងអស់ដែលទទួលបានការផ្តល់សិទ្ធិពីអង្គការសុខភាពពិភពលោកឱ្យប្រើប្រាស់ជាបន្ទាន់សុទ្ធតែអាចបញ្ចុះអត្រាឈឺធ្ងន់និងអត្រាត្រូវចូលសម្រាកព្យាបាលក្នុងមន្ទីរពេទ្យ ហើយក៏មានប្រសិទ្ធភាពចំពោះវីរុសបម្លែងថ្មីទាំងអស់ដែលក្នុងនោះបូករួមទាំងវីរុសប្រភេទDeltaនេះផងដែរ៕