យោងតាមការផ្សាយដំណឹងរបស់វេបសាយ Sputnik នៃប្រទេសរុស្ស៊ីបានឱ្យដឹងថា លោក António Guterres អគ្គលេខាធិការអង្គការសហប្រជាជាតិបានថែ្លងកាលពីថ្ងៃទី ១ ខែសីហាថា ពិភពលោកទាំងមូលកំពុងជួបប្រទះវិបត្តិអប់រំដែលបណ្តាលឱ្យសាលារៀនត្រូវបិទទ្វារដោយសារការរីករាលដាលនៃជំងឺកូវីដ ១៩ ។
តាមការផ្សាយដំណឹងបានឱ្យដឹងថា លោក António Guterres បានថែ្លងសារតាមបណ្តាញទំនាក់ទំនងសង្គមថា "យើងកំពុងជួបប្រទះវិបត្តិអប់រំ ។ ដោយសារការរីករាលដាលនៃជំងឺឆ្លងនេះ សាលារៀនត្រូវបិទទ្វារដែលបណ្តាលឱ្យសិស្សចំនួន ១៥៦ លាននាក់ស្ថិតក្នុងផលប៉ះពាល់ ហើយក្នុងនោះសិស្សានុសិស្ស ២៥ លាននាក់ប្រហែលនឹងមិនអាចត្រឡប់ទៅសាលារៀនវិញនោះទេ" ។
លោក António Guterres បានចង្អុលបង្ហាញថា ប្រសិនបើចង់រៀបចំឡើងវិញនូវការអប់រំប្រកបដោយប្រសិទ្ធភាពបន្ទាប់ពីបញ្ចប់ការរីករាលដាលនៃជំងឺឆ្លង នោះ ត្រូវវិនិយោគលើគ្រូបង្រៀន ធ្វើឌីជីថលនីយកម្មផែ្នកបង្រៀននិងធ្វើអនាគតភាវូបនីយកម្មលើប្រព័ន្ធ ៕