នាថ្ងៃទី ៣១ ខែកក្កដា គណនី Weibo របស់ ការិយាល័យសន្តិសុខសាធារណៈសាខាឆាវយ៉ាងក្រុងប៉េកាំងបានប្រកាសថា ចំពោះករណីលោក Kris Wu បោកបញ្ឆោតនារីរួមភេទជាច្រើនករណី ក្រោយពីការស៊ើបអង្កេតរបស់ប៉ូលីស លោកKris Wu (អាយុ ៣០ ឆ្នាំ ជនជាតិកាណាដា) ត្រូវបានការិយាល័យសន្តិសុខសាធារណៈឆាវយ៉ាង ឃុំខ្លួនដោយសង្ស័យពីបទរំលោភសេពសន្ថវៈ ហើយកិច្ចការស៊ើបអង្កេតក្នុងករណីនេះកំពុងអនុវត្តបន្ថែមទៀត ។
យោងតាមច្បាប់ លោក Kris Wu ជនសង្ស័យរំលោភសេពសន្ថវៈ នឹងប្រឈមនឹងការដាក់ពន្ធនាគារយ៉ាងតិចពី ៣ ទៅ ១០ ឆ្នាំ តាមស្ថានទម្ងន់ទោស។
ពេលមុន លោក Kris Wu បានត្រូវកញ្ញា ទូ មៃជូ ដែលមានអាយុ ១៩ ឆ្នាំ ចោទប្រកាន់ពីបទប្រើប្រាស់ការជ្រើសរើសតារាសម្តែងជាលេសក្នុងការបោកប្រាសនារីវ័យក្មេង ក្នុងនោះមាននារីចំនួន ៨ នាក់ដែលជាជនរងគ្រោះ ហើយក្នុងនោះមាននារីពីរនាក់ជាអនីតិជន ។
អ្នកបកប្រែ៖刘蓉