កាលពីថ្ងៃទី ៤ ខែសីហា លោក Kung Phoak អគ្គលេខាធិការរងនៃសមាគមអាស៊ានបានចេញផ្សាយអត្ថបទដាក់ឈ្មោះមួយក្រោមចំណងជើងថា《ការគិតពិចារណាឡើងវិញពីការរាតត្បាតនៃជំងឺកូវីដ ១៩ ដោយមិនគួរធ្វើឱ្យបញ្ហាតាមដានរកប្រភពដើមនៃវីរុសកូវីដ ១៩ ទៅជាបញ្ហានយោបាយ》ដោយចង្អុលបង្ហាញថា ការតាមដានរកប្រភពដើមនៃជំងឺកូវីដ ១៩ គួរតែសម្រេចតាមរយៈកិច្ចសហប្រតិបត្តិការជាសកលដែលពឹងផ្អែកលើការសិក្សាស្រាវជ្រាវខាងវិទ្យាសាស្រ្តនិងការពិតជាក់ស្តែង ហើយរាល់ការធ្វើនយោបាយធូបនីយកម្មណាមួយសុទ្ធតែនឹងបំផ្លិចបំផ្លាញក្តីបំណងពិតប្រាកដស្តីពីការជួយសង្គ្រោះអាយុជីវិត ។
អត្ថបទនេះបានបញ្ជាក់ថា ខណៈពេលមនុស្សជាតិទាំងមូលកំពុងរួមគ្នាប្រឈមនឹងការគំរាមកំហែងដែលបណ្តាលមកពីការរីករាលដាលនៃជំងឺឆ្លង វិធានការឆ្លើយតបមួយចំនួនសម្រាប់ការបង្ការនិងគ្រប់គ្រងជំងឺឆ្លងបែរជាត្រូវធ្វើនយោបាយធូបនីយកម្មឬលាបពណ៌និងមួលបង្កាច់ទៅវិញ ក៏ដូចជារំលោភបំពានសិទ្ធិនិងផលប្រយោជន៍របស់បុគ្គលចំពោះការការពារខ្លួនឯងនិងការជ្រើសរើសសេរីភាពផ្ទាល់ខ្លួនដោយការយកឧបាយកលជាច្រើនមកឡូកឡំ ពិសេសគឺ ការធ្វើនយោបាយធូបនីយកម្ម គឺ ការតាមដានរកប្រភពដើមនៃជំងឺកូវីដ ១៩ តែម្តង ។ បន្ទាប់ពីបានផ្ទុះជំងឺកូវីដ ១៩ មក ការធ្វើនយោបាយធូបនីយកម្មឬលាបពណ៌និងមួលបង្កាច់បែបនេះវាស្ថិតមានជាប់រហូត ។
អត្ថបទនេះបានលើកឡើងថា វីរុសជំងឺកូវីដ ១៩ ទើបជាសត្រូវរួមរបស់មនុស្សជាតិទាំងមូល ហើយភាគីពាក់ព័ន្ធនឹងផលប្រយោជន៍ទាំងអស់គួរតែរួមគ្នាឆ្លើយតបនឹងការរីករាលដាលនៃជំងឺឆ្លង ៕