ថ្ងៃទី ៩ខែសីហា ក្រុមការងារអន្តររដ្ឋាភិបាលស្តីពីបម្រែបម្រួលអាកាសធាតុនៃអង្គការសហប្រជាជាតិបានចេញផ្សាយរបាយការណ៍ថា ក្នុងរយៈពេលរាប់សិបឆ្នាំខាងមុខ តំបន់ទាំងអស់នៅទូទាំងពិភពលោកសុទ្ធតែនឹងប្រឈមមុខនឹងបញ្ហាស្តីពីបម្រែបម្រួលអាកាសធាតុកាន់តែខ្លាំងឡើង រដូវក្តៅនឹងកាន់តែវែង រដូវរងាកាន់តែខ្លី ជាមួយគ្នានេះដែរ ធាតុអាកាសអាក្រក់ខ្លាំងដូចជារលកកម្តៅខ្លាំងជាដើមនឹងកើតមានកាន់តែញឹកញាប់ ដែលនឹងនាំមកនូវបញ្ហាប្រឈមកាន់តែធំសម្រាប់វិស័យកសិកម្មនិងសុខភាពរាងកាយរបស់មនុស្ស។
របាយការណ៍ថ្មីបំផុតក្រោមចំណងជើងថា«បម្រែបម្រួលអាកាសធាតុឆ្នាំ ២០២១ ៖ មូលដ្ឋាននៃវិទ្យាសាស្ត្រធម្មជាតិ»មួយនេះបានបង្ហាញថា បម្រែបម្រួលអាកាសធាតុនឹងពន្លឿនវដ្តទឹក ដែលនឹងនាំមកនូវការធ្លាក់ភ្លៀងខ្លាំងកាន់តែច្រើននិងគ្រោះទឹកជំនន់តាមតំបន់ខណៈពេលតំបន់ជាច្រើនកាន់តែរាំងស្ងួត។
របាយការណ៍មួយនេះបានគូសបញ្ជាក់ថា ការកាត់បន្ថយបរិមាណបញ្ចេញឧស្ម័នពីផ្ទះកញ្ចក់ដូចជាកាបូនជាដើមអាចបង្អង់និន្នាការឡើងកម្តៅនៃភពផែនដីក្នុងមួយកម្រិតធំ៕