កាលពីថ្ងៃទី ១៥ ខែសីហា លោកស៊ី ជីនភីង ប្រធានរដ្ឋចិនបានផ្ញើលិខិតជូនលោកMoon Jae-in ប្រធានាធិបតីកូរ៉េខាងត្បូង ដើម្បីអបអរសាទរខួបទី ៧៣ នៃការបង្កើតរដ្ឋាភិបាលកូរ៉េខាងត្បូង ។
ថ្លែងក្នុងលិខិតសាទរ លោកស៊ី ជីនភីងបានលើកឡើងថា ប្រទេសចិននិងកូរ៉េខាងត្បូងជាប្រទេសជិតខាងដ៏សំខាន់ដែលមានមេត្រីភាព ប៉ុន្មានឆ្នាំចុងក្រោយនេះ ទំនាក់ទំនងរវាងប្រទេសទាំងពីរមានការវិវឌ្ឍរីកចម្រើនយ៉ាងល្អប្រសើរ ។ តាំងពីផ្ទុះការរីករាលដាលនៃជំងឺកូវីដ ១៩ មក ប្រទេសចិននិងកូរ៉េខាងត្បូងបានជួយគ្នាទៅវិញទៅមក ពួតដៃគ្នាប្រយុទ្ធប្រឆាំងនឹងជំងឺឆ្លង នេះបានឆ្លុះបញ្ចាំងនូវកម្រិតខ្ពស់នៃទំនាក់ទំនងភាពជាដៃគូសហប្រតិបត្តិការជាយុទ្ធសាស្រ្តរវាងប្រទេសទាំងពីរ ។ ឆ្នាំ២០២១និង២០២២ជា “ឆ្នាំផ្លាស់ប្តូរវប្បធម៌ចិន-កូរ៉េខាងត្បូង” ហើយឆ្នាំ២០២២ជាខួបទី ៣០ នៃការបង្កើតទំនាក់ទំនងការទូតរវាងប្រទេសចិននិងកូរ៉េខាងត្បូង ទំនាក់ទំនងរវាងប្រទេសចិននិងកូរ៉េខាងត្បូងប្រឈមនឹងកាលានុវត្តភាពថ្មីនៃការអភិវឌ្ឍឱ្យកាន់តែមានភាពស៊ីជម្រៅ ។ ខ្ញុំយកចិត្តទុកដាក់ខ្ពស់លើការអភិវឌ្ឍទំនាក់ទំនងជាមួយកូរ៉េខាងត្បូង រីករាយរួមជាមួយលោកប្រធានាធិបតី Moon Jae-in បង្កើនការប្រាស្រ័យទាក់ទងជាយុទ្ធសាស្រ្ត ដើម្បីណែនាំឱ្យទំនាក់ទំនាក់រវាងប្រទេសចិននិងកូរ៉េខាងត្បូងឡើងដល់កម្រិតកាន់តែខ្ពស់ជាបន្តបន្ទាប់ ក្នុងន័យផ្តល់ផលប្រយោជន៍កាន់តែច្រើនដល់ប្រទេសនិងប្រជាជននៃប្រទេសទាំងពីរ ក៏ដូចជារួមចំណែកកាន់តែច្រើនដល់សន្តិភាព ស្ថិរភាពនិងវិបុលភាពរបស់ពិភពលោកផងដែរ ៕