ថ្ងៃទី១៦ខែសីហា លោកស្រី Hua Chunying អ្នកនាំពាក្យក្រសួងការបរទេសចិនបានធ្វើជាអធិបតីក្នុងសន្និសីទសារព័ត៌មានជាប្រចាំ។ មានអ្នកសារព័ត៌មានបានលើកឡើងថា តើប្រទេសចិននឹងទទួលស្គាល់ឬស្ថិតក្រោមស្ថានការណ៍យ៉ាងណានឹងទទួលស្គាល់រដ្ឋាភិបាលដែលគ្រប់គ្រងអំណាចដោយអង្គការតាលីបង់យ៉ាងណា? បើសិនអាហ្វហ្កានីស្ថានបានស្តារឡើងវិញក្រោមការគ្រប់គ្រងរបស់អង្គការតាលីបង់ តើនឹងមានអត្ថន័យអ្វីចំពោះប្រទេសចិន?
លោកស្រី Hua Chunying បានថ្លែងថា ភាគីចិនឈរលើមូលដ្ឋានដែលគោរពយ៉ាងពេញលេញនូវអធិបតេយ្យភាពជាតិនិងឆន្ទៈនៃគណបក្សនានានៅអាហ្វហ្កានីស្ថាន ព្រមទាំងបានរក្សាការប្រាស្រ័យទាក់ទងជាមួយអាហ្វហ្កានីស្ថាននិងអង្គការតាលីបង់ជាដើម ជានិច្ចកាលប្រទេសចិនបានដើរតួនាទីដែលមានលក្ខណៈស្ថាបនាដើម្បីជំរុញដំណោះស្រាយតាមនយោបាយលើបញ្ហាអាហ្វហ្កានីស្ថាន។ ដូចដែលយើងរាល់គ្នាបានដឹងហើយថា នៅថ្ងៃទី២៨ខែកក្កដាឆ្នាំ២០២១នេះ លោកWangYi សមាជិកក្រុមប្រឹក្សាកិច្ចការរដ្ឋចិនបានធ្វើកិច្ចជំនួបជាមួយគណៈប្រតិភូនៃគណៈកម្មាធិការនយោបាយតាលីបង់នៃអាហ្វហ្កានីស្ថាន ប្រទេសចិនរំពឹងទុកថាអង្គការតាលីបង់អាហ្វហ្កានីស្ថានអាចរួមសាមគ្គីភាពគ្នាជាមួយគណបក្សនិងជនជាតិនានានៅអាហ្វហ្កានីស្ថាន ដើម្បីបង្កើតរចនាសម្ព័ន្ធនយោបាយដែលសមស្រមបនឹងស្ថានការណ៍ជាតិអាហ្វហ្កានីស្ថានមានលក្ខណៈបើកទូលាយនិងប្រកបដោយបរិយាប័ន្ន ដើម្បីជាមូលដ្ឋានគ្រឹះសម្រាប់សន្តិភាពជាយូរអង្វែងនៅអាហ្វហ្កានីស្ថាន៕