រសៀលថ្ងៃទី ១២ ខែតុលា លោក Xi Jinping ប្រធានរដ្ឋចិនបានអញ្ជើញចូលរួមកិច្ចប្រជុំកំពូលនៃមហាសន្និបាតភាគីហត្ថលេខីនៃ《អនុសញ្ញាជីវចម្រុះ》របស់អង្គការសហប្រជាជាតិលើកទី ១៥ ព្រមទាំងថ្លែងសុន្ទរកថាគន្លឹះតាមប្រព័ន្ធវីដេអូ ។
លោក Xi Jinping បានលើកឡើងថា ជីវចម្រុះធ្វើឱ្យពិភពលោកពោរពេញទៅដោយភាពរស់រវើក វាក៏ជាមូលដ្ឋានសម្រាប់ការរស់រាននិងការអភិវឌ្ឍរបស់មនុស្សជាតិផងដែរ។ ការអភិរក្សជីវចម្រុះមានអំណោយផលដល់ការគាំពារភពផែនដី និងជំរុញការអភិវឌ្ឍជានិរន្តភាពរបស់មនុស្សជាតិ។
លោក Xi Jinping បានគូសបញ្ជាក់ថា អរិយធម៌អេកូឡូស៊ីជានិន្នាការប្រវត្តិសាស្រ្តនៃដំណើរអភិវឌ្ឍអរិយធម៌ មនុស្សនិងធម្មជាតិគួររួមរស់នៅដោយសុខដុរមនាជាមួយគ្នា។ សូមឱ្យយើងពួតដៃគ្នា ប្រកាន់ខ្ជាប់នូវទស្សនៈ អរិយធម៌អេកូឡូស៊ី ដើម្បីរួមគ្នាកសាងសហគមន៍រួមជីវិតនៃភពផែនដី និងរួមគ្នាកសាងពិភពលោកដ៏ស្រស់ស្អាត ក៏ដូចជារួមគ្នាកសាងភពផែនដីដែលមនុស្សនិងធម្មជាតិរួមរស់ជាមួយគ្នាដោយសុខដុមនីយកម្ម៕