តាមប្រភពសារព័ត៌មានកម្ពុជាបានឱ្យដឹងថា ថ្មីៗនេះ ព្រះមហាក្សត្រនៃព្ររាជាណាចក្រកម្ពុជាបានឡាយព្រះហត្ថលេខា«កិច្ចព្រមព្រៀងពាណិជ្ជកម្មសេរីរវាងកម្ពុជា និងចិន» ដែលបង្ហាញថា កម្ពុជាប្រកាសឲ្យប្រើច្បាប់ស្ដីពីការអនុម័ត យល់ព្រមលើកិច្ចព្រមព្រៀងពាណិជ្ជកម្មសេរីរវាងប្រទេសកម្ពុជានិងប្រទេសចិន ។
តាមប្រភពព័ត៌មានបានឱ្យដឹងថា ក្រោយពីភាគីចិនសម្រេចការអនុម័ត កិច្ចព្រមព្រៀងនេះបានចូលជាធរមាន ដែលនឹងជួយប្រទេសកម្ពុជាបើកទីផ្សារនាំចេញទៅកាន់ប្រទេសចិន ជំរុញការនាំចេញផលិតផលស្រស់ កសិផល គ្រឿងសិប្បកម្ម និងផលិតផលផ្សេងៗចូលក្នុងទីផ្សារចិន ។
ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្មបានមានប្រសាសន៍ថា កិច្ចព្រមព្រៀងនេះនឹងផ្តល់ឱកាសវិនិយោគកាន់តែច្រើនដល់ក្រុមហ៊ុនប្រទេសកម្ពុជា ហើយនឹងនាំចូលបច្ចេកវិទ្យាថ្មី ចំណេះដឹង ជំនាញការ ផ្តល់ឱកាសការងារកាន់តែច្រើន ដែលនឹងជំរុញការផលិតកម្មក្នុងស្រុកខែ្មរ ។
យោងតាមកិច្ចព្រមព្រៀងនេះ ភាគីចិននឹងផ្តល់អាទិភាពលើការនាំចូលសម្រាប់កម្ពុជា គឺផលិតផលដែលមានពន្ធសូន្យដល់ ៩៧.៥៣% នៃប្រភេទពន្ធទាំងអស់ រួមមានសម្លៀកបំពាក់ ស្បែកជើង ផលិតផលកសិកម្មជាដើម ។ ភាគីកម្ពុជានឹងផ្តល់អាទិភាពលើការនាំចូលសម្រាប់ប្រទេសចិន គឺផលិតផលដែលមានពន្ធសូន្យដល់ ៩០% នៃប្រភេទពន្ធទាំងអស់ រួមមានសម្ភារៈ និងផលិតផលវាយនភ័ណ្ឌ គ្រឿងអេឡិចត្រូនិកជាដើម ។
នាថ្ងៃទី ១២ ខែតុលា ឆ្នាំ២០២០ ឯកឧត្តម ចុងសាន រដ្ឋមន្រ្តីក្រសួងពាណិជ្ជកម្មចិន និងឯកឧត្តម ប៉ាន សូរស័ក្តិរដ្ឋមន្ត្រីក្រសួងពាណិជ្ជកម្មកម្ពុជាបានចុះហត្ថលេខាជាផ្លូវការកិច្ចព្រមព្រៀងតាមប្រព័ន្ធវីដេអូនៅទីក្រុងប៉េកាំង និងទីក្រុងភ្នំពេញ។
អ្នកបកប្រែ៖刘蓉