កាលពីរសៀលថ្ងៃទី ១៨ ខែតុលា ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានរៀបចំកិច្ចប្រជុំពិភាក្សាលើកទី ៣៤ ដើម្បីសិក្សាអំពីការអភិវឌ្ឍដ៏រឹងមាំនៃសេដ្ឋកិច្ចឌីជីថលរបស់ប្រទេសចិន ។
ថ្លែងក្នុងកិច្ចប្រជុំលើកនេះ លោកស៊ី ជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានគូសបញ្ជាក់ថា សេដ្ឋកិច្ចឌីជីថលបាននិងកំពុងក្លាយទៅជាកម្លាំងគន្លឹះសម្រាប់ការរៀបចំឡើងវិញនូវធនធានសំខាន់ៗជាសកល រចនាសម្ព័ន្ធសេដ្ឋកិច្ចជាសកល និងកែប្រែនិម្មាបនកម្មប្រកួតប្រជែងជាសកល ។ យើងត្រូវឈរលើមូលដ្ឋាននៃការសម្របសម្រួលស្ថានការណ៍យុទ្ធសាស្រ្តនៃការស្តារភាពរុងរឿងដ៏មហិមានៃប្រជាជាតិចិនឡើងវិញ និងស្ថានការណ៍ប្រែប្រួលដ៏ខ្លាំងក្លារបស់ពិភពលោក ដើម្បីសម្របសម្រួលស្ថានការណ៍ទាំងក្នុងនិងក្រៅប្រទេស និងរឿងសំខាន់ទាំងពីរគឺការអភិវឌ្ឍនិងសន្តិសុខ បង្ហាញនូវឧត្តមភាពខាងទិន្នន័យដ៏ច្រើនសន្ធឹកនិងលក្ខខណ្ឌប្រើប្រាស់ដ៏សម្បូរបែប ជំរុញបច្ចេកវិទ្យាឌីជីថលនិងសេដ្ឋកិច្ចពិតឱ្យរួមបញ្ចូលគ្នាយ៉ាងស៊ីជម្រៅ ផ្តោតសំខាន់លើការផ្លាស់ប្តូររូបមន្តនិងធ្វើឱ្យប្រសើរឡើងនូវមុខរបរប្រពៃណី ជំរុញឱ្យបង្កើតឧស្សាហកម្មថ្មី មុខរបរថ្មី និងរូបមន្តថ្មី សំដៅធ្វើឱ្យសេដ្ឋកិច្ចឌីជីថលរបស់ប្រទេសចិនមានសន្ទុះកាន់តែខ្លាំងក្លា កាន់តែប្រសើរឡើង និងកាន់តែធំជាបន្តបន្ទាប់ ៕