វេទិកាជាន់ខ្ពស់ស្តីពីការអភិវឌ្ឍជនបទឆ្នាំ២០២១បានបើកធ្វើនៅក្រុងប៉េកាំងកាលពីថ្ងៃទី ១៩ ខែតុលា លោកHuChunhua សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានអញ្ជើញចូលរួមនិងថ្លែងសុន្ទរកថាក្នុងពិធីបើកវេទិកានេះ ។
លោក HuChunhua បានគូសបញ្ជាក់ថា ជានិច្ចកាល ប្រទេសចិនតែងតែជាអ្នកផ្តួចផ្តើមគំនិតយ៉ាងសកម្ម អ្នកជំរុញយ៉ាងខ្លាំងនិងជាអ្នករួមចំណែកដ៏សំខាន់ក្នុងកិច្ចការកាត់បន្ថយភាពក្រីក្រនិងការអភិវឌ្ឍជនបទលើផ្ទៃអន្តរជាតិ ។ ប្រទេសចិនសូមស្វាគមន៍បណ្តាប្រទេសនានាចូលរួមជាមួយគំនិតផ្តួចផ្តើមស្តីពីការអភិវឌ្ឍជាសកល និងរីករាយរួមសហការជាមួយសហគមន៍អន្តរជាតិ ដើម្បីជំរុញការផ្លាស់ប្តូរនិងកិច្ចសហប្រតិបត្តិការក្នុងវិស័យអភិបាលកិច្ចការកាត់បន្ថយភាពក្រីក្រនិងការអភិវឌ្ឍជនបទ ក៏ដូចជាធ្វើកិច្ចខិតខំប្រឹងប្រែងជាបន្តបន្ទាប់ក្នុងការជំរុញរបៀបវារៈអភិវឌ្ឍន៍ជានិរន្តរភាពនៃអង្គការសហប្រជាជាតិឆ្នាំ២០៣០ផងដែរ ។