នាថ្ងៃទី ១៤ ខែតុលា វ៉ាក់សាំងស៊ីណូវ៉ាក់ (Sinovac) ចំនួន ២ លានដូសទៀត ដែលជាជំនួយរបស់រដ្ឋាភិបាលចិនបានមកដល់ព្រលានយន្តហោះអន្តរជាតិភ្នំពេញ ។ លោកជំទាវ យក់ សម្បត្តិ រដ្ឋលេខាធិការរបស់ក្រសួងសុខាភិបាលបានបញ្ជាក់ថា វ៉ាក់សាំងនេះបង្ហាញពីមិត្តភាពចិន និងកម្ពុជាមិនអាចបំបែកបាន ។ ដោយសារអត្រាការចាក់វ៉ាក់សាំងរបស់ប្រជាជនកម្ពុជាមានភាពខ្ពស់ យើងជឿជាក់ថា នៅមុនចុងឆ្នាំនេះ យើងនឹងបើកព្រំដែនឡើងវិញសម្រាប់ភ្ញៀវទេសចរបរទេសដែលបានចាក់វ៉ាក់សាំង ។
នាថ្ងៃទី ១៤ ខែតុលា ឆ្នាំ ២០២១ បុគ្គលិកការងារកំពុងដឹកជញ្ជូនវ៉ាក់សាំងស៊ីណូវ៉ាក់ (Sinovac)នៅព្រលានយន្តហោះអន្តរជាតិភ្នំពេញ ដែលជាជំនួយរបស់រដ្ឋាភិបាលចិនដល់ប្រទេសកម្ពុជា ។
តាមទិន្នន័យចុងក្រោយរបស់ក្រសួងសុខាភិបាលកម្ពុជាបានឱ្យដឹងថា ប្រទេសកម្ពុជាបានទទួលវ៉ាក់សាំងវិធីសាស្ត្រ ៣ គឺការទិញ យន្តការCOVAX និងការផ្តល់ជំនួយ ក្នុងចំណោមនោះ វ៉ាក់សាំងភាគច្រើនបានមកពីការទិញពីក្រុមហ៊ុនចិន និងជំនួយរបស់រដ្ឋាភិបាលចិន ។ គិតមកដល់ថ្ងៃទី ១៣ ខែតុលា ឆ្នាំ ២០២១ មានប្រជាជនកម្ពុជាចំនួនសរុប ១៣.៥ លានបានចាក់វ៉ាក់សាំងដូសទី ១ ដែលស្មើនឹង ៨៤% នៃប្រជាជនប្រទេសកម្ពុជាចំនួន ១៦ លាននាក់ ។
លោកជំទាវ យក់ សម្បត្តិ បានបញ្ជាក់ថា វ៉ាក់សាំងចិនមានប្រសិទ្ធភាពខ្លាំងណាស់ ដែលបានផ្តល់ទំនុកចិត្តដល់ការចាប់ផ្តើមបើកសកម្មភាពសេដ្ឋកិច្ច និងសង្គមប្រទេសកម្ពុជាឡើងវិញ រដ្ឋាភិបាលកម្ពុជាកំពុងធ្វើការបង្កើនល្បឿននៃការ ចាក់វ៉ាក់សាំងដូសទី ៣ ។
លោក លូ ជូ អ្នកគ្រប់គ្រងទូទៅផ្នែកអាជីវកម្មនៃក្រុមហ៊ុនអាកាសចរណ៍ខាងត្បូងរបស់ប្រទេសចិន បានអនុវត្តកិច្ចការគាំទ្រការដឹកជញ្ជូនវ៉ាក់សាំងលើកទី ២១ បានប្រាប់អ្នកសារព័ត៌មានថា តាំងពីខែមីនា ឆ្នាំ ២០២១ វ៉ាក់សាំងចិនបានត្រូវដឹកជញ្ជូនដល់ប្រទេសកម្ពុជាជាបន្តបន្ទាប់ ដែលបានធ្វើឱ្យប្រជាជនកម្ពុជា និងជនជាតិបរទេសដែលស្នាក់នៅប្រទេសកម្ពុជាទទួលបានវ៉ាក់សាំងការពារទាន់ពេល សព្វថ្ងៃនេះ ករណីឆ្លងជំងឺកូវីដ-១៩ នៅប្រទេសកម្ពុជាត្រូវបាន កាត់បន្ថយជារៀងរាល់ថ្ងៃ ប្រជាជនកាន់តែមានសុវត្ថិភាព ។ លោក លូ ជូ បានរៀបរាប់ថា ពេលមិត្តរួមការងារខ្មែររបស់យើងទទួលដំណឹងដែលយើងបានដឹកជញ្ជូនវ៉ាក់សាំងចិនម្តងទៀត ពួគគាត់លើកមេដៃ ហើយនិយាយលេងសើចថា យើងជា”ក្រុមហ៊ុនអាកាសចរណ៍ដឹកជញ្ជូនវ៉ាក់សាំង ។”
នាថ្ងៃទី ១៤ ខែតុលា ឆ្នាំ ២០២១ នារីម្នាក់់កំពុងចាក់វ៉ាក់សាំងSinovacនៅភ្នំពេញ ។
នាថ្ងៃទី ១៤ ខែតុលា ឆ្នាំ ២០២១ ប្រជាពលរដ្ឋខ្មែរបាន តម្រៀបជាជួរចាក់វ៉ាក់សាំងនៅកន្លែងចាក់វ៉ាក់សាំងដើម្បីចាក់វ៉ាក់សាំងដូសទី ៣ ពួកគេជឿជាក់ថាវ៉ាក់សាំងចិនមានប្រសិទ្ធិភាព ហើយមានសេចក្តីសង្ឃឹមថា សកម្មភាពសេដ្ឋកិច្ចនឹងងើបឡើងវិញក្នុងពេលឆាប់ៗនេះ ។
លោកស្រី សា លីណា មានអាយុ ៣០ ឆ្នាំ ជាជាងអ៊ុតសក់មួយរូប លោកស្រីបានចាក់វ៉ាក់សាំងSINOVACដូសទី ៣ រួចរាល់ហើយ ។ លោកស្រីបានប្រាប់អ្នកសារព័ត៌មានថា ដោយសារខ្ញុំត្រូវទាក់ទងជាមួយភ្ញៀវ មានហានិភ័យខ្ពស់ក្នុងការឆ្លងជំងឺកូវីដ-១៩ ដូច្នេះ វ៉ាក់សាំងសំខាន់ណាស់ ។ លោកស្រី សា លីណា និងប្តីបានចាក់វ៉ាក់សាំងដូសទី ៣ ហើយ កូនពីរនាក់ក៏បានចាក់វ៉ាក់សាំង SINOVAC ដូសទី ២ ហើយផងដែរ ។
លោក លូ ជូ បានរៀបរាប់ទៀតថា អនុវត្តតាមតម្រូវការរបស់រដ្ឋាភិបាលចិននិងកម្ពុជា ការដឹកជញ្ជូនវ៉ាក់សាំងចិនទៅកាន់ប្រទេសកម្ពុជាជាបេសកកម្មរបស់យើង ខ្ញុំជឿជាក់ថា ប្រទេសកម្ពុជាពិតជានឹងទទួលជោគជ័យក្នុងការប្រឆាំងនឹងជំងឺកូវីដ-១៩ ។
អ្នកបកប្រែ៖刘蓉