ក្រសួងពាណិជ្ជកម្មចិនបានប្រកាសព័ត៌មានតាមវេបសាយរបស់ខ្លួនថា នៅថ្ងៃទី១ ខែវិច្ឆិកា លោក Wang Wentao រដ្ឋមន្ត្រីក្រសួងពាណិជ្ជកម្មចិនបានផ្ញើលិខិតជូនលោក O`Connor រដ្ឋមន្ត្រីក្រសួងពាណិជ្ជកម្មនិងកំណើននាំចេញប្រទេសនូវែលសេឡង់ថា ដោយតាងនាមឱ្យភាគីចិនដាក់សំណើរសុំចូលរួម«កិច្ចព្រមព្រៀងអំពីទំនាក់ទំនងភាពជាដៃគូសេដ្ឋកិច្ចឌីជីថល(DEPA)»ជាផ្លូវការចំពោះនូវែលសេឡង់ ដែលជាភាគីរក្សាទុកDEPA។ ការដាក់សំណើរសុំចូលរួមDEPA គឺសមស្របនឹងទិសដៅអភិវឌ្ឍន៍ជាតិចិនដែលនឹងបន្តធ្វើកំណែទម្រង់ក្នុងស្រុកឱ្យកាន់តែស៊ីជម្រៅនិងបើកទូលាយប្រកបដោយកម្រិតខ្ពស់ មានអំណោយផលដល់ការបង្កើនកិច្ចសហប្រតិបត្តិការក្នុងវិស័យសេដ្ឋកិច្ចឌីជីថល ជំរុញការថ្នៃប្រឌិតថ្មី និងការអភិវឌ្ឍជានិរន្តរភាពរវាងចិននិងបណ្តាប្រទេសជាសមាជិក។ ជំហានក្រោយ ភាគីចិននឹងចាប់ផ្តើមអនុវត្តការងារបន្ទាប់បន្សំជាមួយបណ្តាសមាជិកតាមការកំណត់នៃDEPA៕