លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានផ្ញើសារលិខិតអបអរសាទរចំពោះខួប ៩០ ឆ្នាំនៃការបង្កើតទីភ្នាក់ងារព័ត៌មានស៊ីនហួ តាងនាមមជ្ឈិមបក្សកម្មុយនិស្តចិន សូមអបអរសាទរយ៉ាងកក់ក្តៅចំពោះបុគ្គលិកទាំងអស់នៃទីភ្នាក់ងារព័ត៌មានស៊ីនហួ និងសម្តែងការសួរសុខទុក្ខចំពោះអ្នកសារព័ត៌មានទូទាំងប្រទេសចិនក្នុងឱកាសទិវាអ្នកកាសែតចិន ។
លោក Xi Jinping បានថ្លែងក្នុងលិខិតអបអរសាទរថា ៩០ ឆ្នាំមក ទីភ្នាក់ងារព័ត៌មានស៊ីនហួបានដើរតាមបក្សកុម្មុយនិស្តចិនយ៉ាងមុតមាំមិនងាករេ ផ្សព្វសផ្សាយពីជំហរនៃបក្សកុម្មុយនិស្តចិន បង្ហាញពីមតិប្រជាជន កត់ត្រានូវស្មារតីនៃសម័យកាល ផ្សព្វផ្សាយសំឡេងរបស់ប្រទេសចិន និងបានដើរតួនាទីយ៉ាងសំខាន់ក្នុងសម័យកាលប្រវត្តិសាស្ត្រនីមួយៗនៃការធ្វើបដិវត្តន៍ ការកសាង និងកំណែទម្រង់របស់ចិន ។
លោក Xi Jinping បានគូសបញ្ជាក់ថា ទីភ្នាក់ងារព័ត៌មានស៊ីនហួត្រូវការប្រកាន់ខ្ជាប់នូវទិសដៅនយោបាយត្រឹមត្រូវ ប្រកាន់ខ្ជាប់នូវការច្នៃប្រឌិតថ្មី ពន្លឿនការធ្វើសមាហរណកម្ម និងការអភិវឌ្ឍន បង្កើនការផ្សព្វផ្សាយចំពោះបរទេស ខិតខំកប្រឹងប្រែងដើម្បីកសាងទៅជាស្ថាប័នប្រព័ន្ធសារព័ត៌មាន Omnimedia ធុនថ្មីលំដាប់ពិភពលោក ៕