កាលពីថ្ងៃទី ៩ ខែវិច្ឆិកា លោកស៊ីជីនភីងប្រធានរដ្ឋចិននិងលោកMichel Aounប្រធានាធិបតីលីបង់បានផ្ញើសារលិខិតទៅវិញទៅមកដើម្បីអបអរសាទរខួប ៥០ ឆ្នាំនៃការបង្កើតទំនាក់ទំនងផ្លូវទូតរវាងចិននិងលីបង់ ។
ថ្លែងក្នុងសារលិខិត លោកស៊ីជីនភីងបានបញ្ជាក់ថា ទំនាក់ទំនងរវាងចិននិងលីបង់ត្រូវបានពង្រឹងនិងពង្រីកជាបន្តបន្ទាប់ក្រោយពីប្រទេសទាំងពីរបានបង្កើតទំនាក់ទំនងផ្លូវទូតរៀងមក ។ កិច្ចសហប្រតិបត្តិការរវាងចិននិងលីបង់ក្នុងគ្រប់វិស័យមានភាពកាន់តែស៊ីជម្រៅពីមួយថ្ងៃទៅមួយថ្ងៃ ភាគីទាំងពីរមានការយោគយល់គ្នានិងផ្តល់ការគាំទ្រដល់គ្នាទៅវិញទៅមកលើបញ្ហាយកចិត្តទុកដាក់រួមនិងពាក់ព័ន្ធដល់អត្ថប្រយោជន៍ស្នូលរបស់គូភាគី ដែលបានធ្វើជាគំរូនៃការតម្កល់ទុកគ្នាដោយសមភាព ការផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះរវាងប្រទេសធំនិងតូច ។ ប្រទេសចិនបានយកចិត្តទុកដាក់ខ្ពស់ចំពោះការអភិវឌ្ឍទំនាក់ទំនងរវាងចិននិងលីបង់ ដោយមានឆន្ទៈរួមសហការជាមួយលោកប្រធានាធិបតីលីបង់ ចាត់ទុកខួប៥០ ឆ្នាំនៃការបង្កើតទំនាក់ទំនងផ្លូវទូតរវាងប្រទេសទាំងពីរជាឱកាសមួយ ដើម្បីបង្កើនទំនុកចិត្តផ្នែកនយោបាយ ធ្វើឱ្យមានភាពស៊ីជម្រៅនូវកិច្ចសហប្រតិបត្តិការជាក់ស្តែង ក្នុងន័យជំរុញឱ្យទំនាក់ទំនងកិច្ចសហប្រតិបត្តិការមេត្រីភាពរវាងចិននិងលីបង់ឡើងដល់កម្រិតថ្មីមួយថែមទៀត ។
ថ្លែងក្នុងសារលិខិត លោកMichel Aoun បានលើកឡើងថា បន្ទាប់ពីបង្កើតទំនាក់ទំនងផ្លូវទូតរវាងលីបង់និងចិនរយៈពេល ៥០ ឆ្នាំមក ប្រទេសទាំងពីរបានធ្វើកិច្ចសហប្រតិបត្តិការប្រកបដោយលក្ខណៈស្ថាបនាក្នុងគ្រប់វិស័យ ។ ភាគីលីបង់បានយកចិត្តទុកដាក់និងថែរក្សា ទំនាក់ទំនងជាមួយប្រទេសចិន ព្រមទាំងសូមវាយតម្លៃខ្ពស់ចំពោះសមិទ្ធផលនៃវឌ្ឍនភាពរបស់ចិន ដោយរំពឹងទុកនឹងអាចបង្កើនកិច្ចសហប្រតិបត្តិការរវាងលីបង់និងចិន ដើម្បីផ្តល់ផលប្រយោជន៍ដល់ប្រជាជននៃប្រទេសទាំងពីរ ។