ថ្ងៃទី១៦ ខែវិច្ឆិកា ការបកស្រាយរបស់លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនអំពីការធ្វើសេចក្តីព្រាង«សេចក្តីសម្រេចចិត្តស្តីពីសមិទ្ធផលសំខាន់ៗនិងបទពិសោធន៍ប្រវត្តិសាស្ត្រក្នុងការខិតខំតស៊ូរយៈពេល ១០០ ឆ្នាំនៃបក្សកុម្មុយនិស្តចិន»ត្រូវចេញផ្សាយជាសាធារណៈ ។
លោក Xi Jinping បានតំណាងការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិន ធ្វើសេចកី្តបកស្រាយនេះក្នុងកិច្ចប្រជុំពេញអង្គលើកទី៦នៃនៃគណៈកម្មាធិការមជ្ឈិមបក្សកុម្មុយនិស្តចិនអាណតិ្តទី ១៩ ។
សូមបញ្ជាក់ថា កិច្ចប្រជុំពេញអង្គលើកទី៦នៃនៃគណៈកម្មាធិការមជ្ឈិមបក្សកុម្មុយនិស្តចិនអាណតិ្តទី ១៩ដែលបើកធ្វើនៅក្រុងប៉េកាំងពីថ្ងៃទី៨ ដល់ថ្ងៃទី១១ខែវិច្ឆិកាបានពិនិត្យពិភាក្សានិងអនុម័តសេចក្តីសម្រេចចិត្តមួយនេះ ។
ក្រៅពីនេះ សៀវភៅ«សេចក្តីសម្រេចចិត្តស្តីពីសមិទ្ធផលសំខាន់ៗនិងបទពិសោធន៍ប្រវត្តិសាស្ត្រក្នុងការខិតខំតស៊ូរយៈពេល ១០០ ឆ្នាំនៃបក្សកុម្មុយនិស្តចិន» បានបោះពុម្ពផ្សាយដោយទីភ្នាក់ងារបោះពុម្ពផ្សាយប្រជាជន ចាប់ពីថ្ងៃនេះតទៅនឹងដាក់លក់ក្នុងបណ្ណាគារស៊ីនហ្វានៅទូទាំងប្រទេសចិន ៕