ថ្ងៃទី១៦ខែវិច្ឆិកា លោកEnrique Domingoប្រធានរដ្ឋបាលជាតិគ្រប់គ្រងគ្រឿងឧបភោគបរិភោគនិងឱសថនៃប្រទេសហ្វីលីពីនបានប្រកាសថា ហ្វីលីពីនបានអនុម័តឱ្យប្រើវ៉ាក់សាំងកូវីដ១៩ដែលផលិតដោយក្រុមហ៊ុនស៊ីណូវ៉ាក់ចិនធ្វើជាដូសជំរុញសម្រាប់យុទ្ធនាការចាក់វ៉ាក់សាំងនៅប្រទេសហ្វីលីពីន។
ក្រសួងសុខាភិបាលហ្វីលីពីនបានថ្លែងថា ចាប់ពីថ្ងៃទី១៧ខែវិច្ឆិកានេះតទៅ បុគ្គលិកពេទ្យទាំងអស់ដែលបានចាក់វ៉ាក់សាំងជំងឺកូវីដ១៩ចំនួន២ដូសរួចអាចចាប់ផ្តើមទទួលការចាក់វ៉ាក់សាំងដូសជំរុញ។ ក្រៅពីបុគ្គលិកពេទ្យនៅជួរមុខ ក្រុមមនុស្សមានហានិភ័យខ្ពស់ ដូចជាក្រុមមនុស្សដែលមានហានិភ័យខាងសុខាភិបាលកំបាំងនិងមនុស្សចាស់ជរាជាដើមក៏នឹងទទួលការចាក់វ៉ាក់សាំងដូសជំរុញជាបន្តបន្ទាប់ផងដែរ។
សូមបញ្ជាក់ថា រដ្ឋាភិបាលហ្វីលីពីនកំពុងពន្លឿនការជំរុញផែនការចាក់វ៉ាក់សាំង។ ទិន្នន័យរបស់ក្រសួងសុខាភិបាលហ្វីលីពីនបានបង្ហាញថា ពលរដ្ឋហ្វីលីពីនលើសពី៣១លាន៨សែននាក់បានសម្រាចការចាក់វ៉ាក់សាំងពីរដូសហើយ ស្មើនឹង២៩ភាគរយនៃចំនួនប្រជាជនសរុប ៕