កិច្ចប្រជុំកំពូលដើម្បីរំលឹកខួបទី៣០នៃការបង្កើតទំនាក់ទំនងសន្ទនារវាងប្រទេសចិននិងអាស៊ានធ្វើឡើងតាមប្រព័ន្ធវីដេអូនៅថ្ងៃទី២២ ខែវិច្ឆិកា។ ពេលផ្តល់បទសម្ភាសន៍ពិសេសជាមួយអគ្គស្ថានីយវិទ្យុនិងទូរទស្សន៍មជ្ឈិមចិន ប្រធានមជ្ឈមណ្ឌលសិក្សាស្រាវជ្រាវអំពីអាស៊ាននៃសកលវិទ្យាល័យChulalongkorn និងជាអ្នកជំនាញល្បីឈ្មោះរបស់ប្រទេសថៃបានថ្លែងថា ជឿជាក់ថាកិច្ចប្រជុំកំពូលលើកនេះនឹងបើកយុគសម័យថ្មីនៃកិច្ចសហប្រតិបត្តិការចិន-អាស៊ាន អនាគតនៃកិច្ចសហប្រតិបត្តិការទ្វេភាគីនឹងកាន់តែភ្លឺស្វាង។
លោកបានបន្ថែមថា រយៈពេល៣០ឆ្នាំកន្លងមក ចិននិងអាស៊ានបានបង្កើតយន្តការចរចានិងសហប្រតិបត្តិការដ៏ល្អ បានធ្វើកិច្ចសហប្រតិបត្តិការជាក់ស្តែងលើច្រើនវិស័យ ស្របនឹងពេលរួមគ្នាទប់ទល់នឹងបញ្ហាប្រឈមចំណងមិត្តភាពរវាងគ្នាក៏ត្រូវបានពង្រឹងផងដែរ ដែលបានឱ្យទំនាក់ទំនងទ្វេភាគីឈានទៅមុខជាប់រហូត។ បច្ចុប្បន្ន សេដ្ឋកិច្ចចិនកំពុងអភិវឌ្ឍយ៉ាងលឿន សកម្មភាពសហប្រតិបត្តិការក្រោមគំនិតផ្តួចផ្តើម “ខ្សែក្រវាត់និងផ្លូវ” ក៏បាននិងកំពុងនាំមកនូវសមិទ្ធផលជាផ្លែផ្កាជាក់ស្តែងដល់ការកសាងនិងអភិវឌ្ឍជាតិរបស់ប្រទេសអាស៊ានជាច្រើន។ លោកសម្គាល់ថា ៣០ឆ្នាំកន្លងទៅ អាស៊ាននិងចិនបានរួមរស់នៅដោយមេត្រីភាព បានផ្តល់ផលប្រយោជន៍ដល់គ្នានិងឈ្នះ-ឈ្នះ ពេលអនាគតទំនាក់ទំនងសហប្រតិបត្តិការមេត្រីភាពជាមួយប្រទេសជិតនេះនឹងកាន់តែស៊ីជម្រៅថែមទៀតដោយឈរលើមូលដ្ឋានគោរពគ្នា រួមរស់នៅជាមួយគ្នាដោយសន្តិភាព អភិវឌ្ឍន៍ជានិរន្តរ៍និងចែករំលែកសមិទ្ធផលទៅវិញទៅមក៕