កាលពីថ្ងៃទី ២៨ ខែវិច្ឆិកា កិច្ចប្រជុំថ្នាក់ជាតិលើកដំបូងនៃសមាគមជំងឺផ្លូវដង្ហើមនៃសម្ព័ន្ធជំងឺកម្ររបស់ប្រទេសចិនបានធ្វើឡើងនៅទីក្រុងក្វាងចូវ។ លោក Zhong Nanshanសមាជិកនៃបណ្ឌិតសភាវិស្វកម្មចិនបានអញ្ជើញចូលរួមនិងថ្លែងសុន្ទរកថា។
ក្នុងអំឡុងពេលកិច្ចប្រជុំលើកនេះ លោកវេជ្ជបណ្ឌិត Zhong Nanshan បានថ្លែងក្នុង
ពេលផ្តល់បទសម្ភាសន៍ជាមួយអ្នកសារព័ត៌មានថា មើលពីស្ថានភាពបច្ចុប្បន្នឃើញថា វីរុសបំប្លែងថ្មីអូមីក្រុងមានសមត្ថភាពឆ្លងកាន់តែលឿន ហើយបានរីករាលដាលនៅអាហ្រ្វិកខាងត្បូងនិងតំបន់ផ្សេងទៀត ហើយថ្មីៗនេះ ករណីឆ្លងមួយក៏ត្រូវបានរកឃើញនៅ
តំបន់ហុងកុងប្រទេសចិនផងដែរ។
លោកថ្លែងថា វីរុសកូវីដ១៩បំប្លែងថ្មី Omicron នេះថ្មីណាស់។ ទោះបីជាការធ្វើតេស្តហ្សែនម៉ូលេគុលបានរកឃើញថា វាមានការផ្លាស់ប្តូរជាច្រើនក្តី ប៉ុន្តែតើវាមានគ្រោះថ្នាក់យ៉ាងណា វានឹងរីករាលដាលលឿនយ៉ាងណា ហើយតើវានឹងធ្វើឱ្យស្ថានភាពជំងឺកាន់តែធ្ងន់ធ្ងរឬយ៉ាងណា តើត្រូវបង្កើតវ៉ាក់សាំងពិសេសសម្រាប់ឆ្លើយតបវីរុសនេះឬទេ គឺត្រូវវិនិច្ឆ័យទៅតាមស្ថានភាពជាក់ស្តែង៕