ថ្ងៃទី៥ ខែធ្នូ លោកស៊ីជីនភីង ប្រធានរដ្ឋចិនបានថ្លែងសុន្ទរកថាក្នុងពិធីបើកសម្ពោធនៃ“វេទិកាអន្តរជាតិImperial Springsឆ្នាំ២០២១ ”តាមប្រព័ន្ធវីដេអូនៅក្រុងប៉េកាំង។
លោកស៊ី ជីនភីងបានថ្លែងថា ពេលប្រឈមមុខនឹងបញ្ហានិងការប្រកួតប្រជែងជាសកលដែលតែងតែលេចចេញដោយឥតឈប់ឈរ យើងគួរតែប្រកាន់ខ្ជាប់នូវការបើកទូលាយដែលប្រកបដោយបរិយាប័ន្ន ការសម្របសម្រួលនិងកិច្ចសហប្រតិបត្តិការ និងប្រកាន់ខ្ជាប់និងគាំពារពហុភាគីនិយម ដើម្បីជំរុញយ៉ាងសកម្មនូវការកសាងសហគមន៍រួមវាសនាតែមួយនៃមនុស្សជាតិ។
លើសពីនេះទៅទៀត លោកក៏បានគូសបញ្ជាក់ថា បទពិសោធន៍សំខាន់មួយរបស់បក្សកុម្មុយនិស្តចិនក្នុងដំណើរតស៊ូក្នុងរយៈពេលមួយរយឆ្នាំ គឺប្រកាន់ខ្ជាប់នូវចក្ខុវិស័យជាសកល ពោលគឺយកចិត្តទុកដាក់ចំពោះអនាគតនិងវាសនារបស់មនុស្សជាតិជានិច្ច។ ប្រទេសចិននឹងគាំពារយ៉ាងម៉ឺងម៉ាត់នូវគុណតម្លៃនិងគោលកាណ៍ជាមូលដ្ឋាននៃពហុភាគីនិយម ប្រកាន់ខ្ជាប់នូវការផ្តល់ផលប្រយោផន៍ដល់គ្នាទៅវិញទៅមកនិងឈ្នះ-ឈ្នះ ក៏ដូចជាប្រកាន់ខ្ជាប់នូវគំនិតដូចគ្នានិងដាក់ចំណុចខ្វែងមតិនៅមួយអន្លើ និងប្រកាន់ខ្ជាប់សច្ចយុត្តិធម៌និងកិច្ចសហប្រតិបត្តិការនិងការអភិវឌ្ឍផងដែរ ដើម្បីរួមចំណែកជាតម្រិះប្រាជ្ញានិងកម្លាំងក្នុងការអភិវឌ្ឍអរិយធម៌របស់មនុស្សជាតិ៕