ដើម្បីផ្តល់ការគាំទ្រដល់ការអភិវឌ្ឍនៃសេដ្ឋកិច្ចពិត និងជំរុញការកាត់បន្ថយនូវដើមទុននៃការធ្វើសហហិរញ្ញប្បទានប្រកបដោយភាពនឹងនរ ធនាគារកណ្តាលចិនបានធ្វើការសម្រេចចិត្តកាលពីថ្ងៃទី៦ខែធ្នូថា នឹងបញ្ចុះអត្រាការប្រាក់បញ្ញើនៃគ្រឹះស្ថានហិរញ្ញវត្ថុចំនួន០.៥%ចាប់ពីថ្ងៃទី១៥ខែធ្នូនេះតទៅ។ បន្ទាប់ពីបញ្ចុះអត្រាការប្រាក់លើកនេះ អត្រាការប្រាក់បញ្ញើនៃគ្រឹះស្ថានហិរញ្ញវត្ថុគិតជាមធ្យមគឺ៨.៤%។
ធនាគារកណ្តាលចិនបានអះអាងថា ការបញ្ចុះអត្រាការប្រាក់បញ្ញើដោយគ្រប់ជ្រុងជ្រោយលើកនេះនឹងបញ្ចេញប្រាក់ទុនរយៈពេលយូរប្រហែល១.២ទ្រីលានយាន់ប្រាក់ចិន ក្នុងគោលបំណងលើកកម្ពស់សមត្ថភាពផ្តល់សេវាហិរញ្ញវត្ថុ ដើម្បីផ្តល់ការគាំទ្រឱ្យបានកាន់តែល្អដល់សេដ្ឋកិច្ចពិត។
លោកវឹនប៊ីនប្រធានអ្នកស្រាវជ្រាវនៃធនាគារMinshengបានថ្លែងថា ការបញ្ចុះអត្រាការប្រាក់បញ្ញើលើកនេះមិនត្រឹមតែមានចន្លោះប៉ុណ្ណោះទេ ថែមទាំងក៏មានភាពចាំបាច់ផងដែរ មួយផ្នែក ការងារសេដ្ឋកិច្ចរបស់ប្រទេសចិននៅឆ្នាំក្រោយនៅតែប្រឈមនឹងសម្ពាធនិងបញ្ហាជាច្រើន ការបញ្ចុះអត្រាការប្រាក់បញ្ញើគឺដើម្បីធ្វើការសម្របសម្រួលការឆ្លងដំណាក់កាលវដ្តសេដ្ឋកិច្ចឱ្យបានល្អ។មួយផ្នែកទៀត ការបញ្ចុះអត្រាការប្រាក់បញ្ញើ០.៥% វាមានអំណោយផលដល់ការកែលម្អរចនាសម្ព័ន្ធប្រាក់ទុននៃប្រព័ន្ធធនាគារនិងកាត់បន្ថយដើមទុននៃគ្រឹះស្ថានធនាគារ ហើយលើកទឹកចិត្តនិងណែនាំគ្រឹះស្ថានហិរញ្ញវត្ថុឱ្យបង្កើនកម្លាំងគាំទ្រចំពោះអង្គភាពសេដ្ឋកិច្ចពិតថែមមួយកម្រិតទៀត ដើម្បីកាត់បន្ថយដើមទុនក្នុងការធ្វើសហហិរញ្ញប្បទាននៃសេដ្ឋកិច្ចពិត៕