កាលពីថ្ងៃទី៦ខែធ្នូតាមម៉ោងក្នុងតំបន់ អង្គការសុខភាពពិភពលោកបានចេញផ្សាយ《របាយការណ៍ស្តីពីជំងឺគ្រុនចាញ់ពិភពលោក》ថ្មីបំផុត ។
របាយការណ៍បានបង្ហាញថា ប្រហែលមានករណីជំងឺគ្រុនចាញ់ប្រហែល២៤១លាននាក់បានរកឃើញនៅឆ្នាំ២០២០ ហើយមានមនុស្សចំនួន៦សែន២ម៉ឺន៧ពាន់នាក់បានស្លាប់ដោយសារជំងឺគ្រុនចាញ់ ។ បើប្រៀបធៀបនឹងឆ្នាំ២០១៩ ចំនួនករណីជំងឺគ្រុនចាញ់បានកើនឡើងប្រហែល១៤លាននាក់ ហើយចំនួនអ្នកស្លាប់បានកើនឡើង៦ម៉ឺន៩ពាន់នាក់ ។
អង្គការសុខភាពពិភពលោកបានបង្ហាញថា ពិតមែនតែការប្រយុទ្ធប្រឆាំងនឹងជំងឺគ្រុនចាញ់នៅទូទាំងពិភពលោកបានវិវឌ្ឍយឺត ក៏ប៉ុន្តែប្រទេសដែលមានបន្ទុកផ្នែកជំងឺគ្រុនចាញ់ស្រាលបន្តិចនិងមានប្រព័ន្ធសុខាភិបាលខ្លាំងក្លាបង្គួរមួយចំនួនគឺទទួលបានសមិទ្ធផលក្នុងការប្រយុទ្ធប្រឆាំងនឹងជំងឺគ្រុនចាញ់ក្នុងអំឡុងពេលប្រយុទ្ធប្រឆាំងនឹងជំងឺកូវីដ១៩ផងដែរ ។ ដូចជាប្រទេសចិននិងសាល់វ៉ាឌ័របានត្រូវអង្គការសុខភាពពិភពលោកបញ្ជាក់ថា ជាប្រទេសគ្មានជំងឺគ្រុនចាញ់នៅឆ្នាំ២០២១ ហើយអ៊ីរ៉ង់មិនបានរកឃើញករណីជំងឺគ្រុនចាញ់រយៈពេលបីឆ្នាំជាប់ៗមកហើយ ។ ប៉ុន្តែចំនួនករណីអ្នកស្លាប់ដោយសារជំងឺគ្រុនចាញ់នៃតំបន់អាហ្វ្រិកនៅឆ្នាំ២០២០បានកើនឡើង១២ភាគរយបើប្រៀបធៀបនឹងឆ្នាំ២០១៩ ដូច្នេះ អង្គការសុខភាពពិភពលោកអំពាវនាវរដ្ឋាភិបាលប្រទេសអាហ្វ្រិកនានានិងដៃគូសហប្រតិបត្តិការរបស់អាហ្វ្រិកគួរខិតខំប្រឹងប្រែងប្រយុទ្ធប្រឆាំងនឹងជំងឺគ្រុនចាញ់ ៕