ថ្ងៃទី១១ ខែធ្នូ វេទិកាធនាគារគំនិតជាន់ខ្ពស់រវាងចិននិងអាស៊ានបានប្រារព្ធធ្វើតាមរបៀបអនឡាញឬនៅកន្លែងផ្ទាល់ ។ អតីតអ្នកនយោបាយសំខាន់ៗនៃប្រទេសអាស៊ានទាំង១០និងតំណាងនៃលេខាធិការដ្ឋានរបស់អាស៊ានបានចូលរួមពិធីបើក ។
លោក Wang Chao ប្រធានសមាគមការទូតប្រជាជនចិនបានថ្លែងថា ប្រទេសចិនរីករាយធ្វើការខិតខំប្រឹងប្រែងជាមួយអាស៊ាន ក្នុងន័យពង្រឹងនិងលើកកម្ពស់ការកសាងទំនុកចិនខាងនយោបាយ ធ្វើឱ្យកិច្ចសហប្រតិបតិ្តការលើវិស័យប្រយុទ្ធប្រឆាំងនឹងជំងឺកូវីដ១៩និងការស្តារសេដ្ឋកិច្ចឡើងវិញមានភាពកាន់តែស៊ីជម្រៅ ដើម្បីបោះជំហានថ្មីឆ្ពោះទៅកាន់ការបង្កើតសហគមន៍រួមវាសនាដែលមានភាពកាន់តែស្អិតល្មួត ។
លោក Somsavatlengsavad អតីតឧបនាយករដ្ឋមន្រ្តីឡាវបានថ្លែងថា ប្រទេសអាស៊ានរំពឹងទុកអាចអនុវត្តកិច្ចព្រមព្រៀងស្តីពីទំនាក់ទំនងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ ក្នុងន័យជំរុញការអភិវឌ្ឍរបស់ប្រទេសខ្លួនឱ្យតភ្ជាប់ជាមួយគំនិតផ្តួចផ្តើមស្តីពី “ខ្សែក្រវាត់និងផ្លូវ” ។ ក្នុងនាមជាគម្រោងជានិមិត្តសញ្ញាដ៏សំខាន់ ផ្លូវដែកពីចិនដល់ឡាវនឹងបំពេញបន្ថែមកម្លាំងចលករថ្មីយ៉ាងខ្លាំងក្លាដល់ការផ្លាស់ប្តូរនិងកិច្ចសហប្រតិបតិ្តការរវាងអាស៊ាននិងចិន រហូតដល់ពិភពលោកផងដែរ ។
លោក Pham Gia Khiem អតីតឧបនាយករដ្ឋមន្ត្រីនិងជារដ្ឋមន្ត្រីការបរទេសរបស់ប្រទេសវៀតណាមសម្គាល់ឃើញថា ការដែលចិននិងអាស៊ានបង្កើតទំនាក់ទំនងភាពជាដៃគូយុទ្ធសាស្ត្រដោយគ្រប់ជ្រុងជ្រោយ នឹងមានអំណោយផលដល់ការធ្វើឱ្យអាស៊ានរីកចម្រើនពីងអង្គការកិច្ចសហប្រតិបតិ្តការរវាងប្រទេសអាស៊ីអគ្នេយ៍ទៅជាអង្គការមានឋានៈជាស្នូលក្នុងយន្តការកិច្ចសហប្រតិបតិ្តការក្នុងតំបន់ ៕