ការបោះឆ្នោតជ្រើសរើសក្រុមប្រឹក្សានីតិប្បញ្ញត្តិលើកទី៧នៃតំបន់រដ្ឋបាលពិសេសហុងកុងបានបញ្ចប់ដោយរលូនកាលពីថ្ងៃទី១៩ខែធ្នូ។នេះជាការបោះឆ្នោតក្រុមប្រឹក្សានីតិប្បញ្ញត្តិលើកទីមួយដែលបានធ្វើឡើងនៅតំបន់រដ្ឋបាលពិសេសហុងកុងបន្ទាប់ពីបានធ្វើឱ្យមានសុក្រឹតភាពនូវប្រព័ន្ធបោះឆ្នោតរបស់ហុងកុង។
នៅថ្ងៃដដែលនោះ ហុងកុងបានបើកការិយាល័យបោះឆ្នោតទូទៅប្រហែល៦៣០កន្លែងនិងការិយាល័យបោះឆ្នោតពិសេសចំនួនតិចជាង ២៤កន្លែងសម្រាប់ឱ្យអ្នកចុះឈ្មោះបោះឆ្នោតចំនួន ៤លាន៤សែន៧ម៉ឺននាក់ទៅបោះឆ្នោត។លោក Liang Zhenyingអនុប្រធាននៃសភាប្រឹក្សានយោបាយប្រជាជនទូទាំងប្រទេសចិនបានថ្លែងបន្ទាប់ពីទៅបោះឆ្នោតនៅការិយាល័យបោះឆ្នោតនៃមជ្ឈមណ្ឌលពិព័រណ៍ហុងកុងថា លោកជឿជាក់ថា សមាសភាពនៃក្រុមប្រឹក្សានីតិប្បញ្ញត្តិថ្មីគឺសមស្របតាមគោលការណ៍“អ្នកស្នេហាហុងកុងគ្រប់គ្រងហុងកុង”វាប្រកបដោយភាពតំណាងយ៉ាងទូលំទូលាយ ហើយនឹងជំរុញឱ្យហុងកុងមានការអភិវឌ្ឍកាន់តែប្រសើរឡើង។
ក្នុងការបោះឆ្នោតក្រុមប្រឹក្សានីតិប្បញ្ញត្តិលើកនេះមានបេក្ខជនឈរឈ្មោះចំនួន១៥៣ រូបដើម្បីប្រជែងយកអាសនៈចំនួន ៩០អាសនៈ។