ជាការឆ្លើយតបនឹងការដាក់ទណ្ឌកម្មដោយខុសច្បាប់របស់អាមេរិកចំពោះមន្ត្រីចិនដោយយកអ្វីដែលហៅថា " "សិទ្ធិមនុស្សនៅស៊ីនជាំង"ធ្វើជាលេសនិងអនុលោមតាមច្បាប់ផ្ទៃក្នុងរបស់សហរដ្ឋអាមេរិក លោក Zhao Lijian អ្នកនាំពាក្យក្រសួងការបរទេសចិនបានថ្លែងកាលពីថ្ងៃទី ២១ ខែធ្នូថា ទង្វើនេះបានជ្រៀតជ្រែកយ៉ាងខ្លាំងចំពោះកិច្ចការផ្ទៃក្នុងរបស់ប្រទេសចិន បានរំលោភលើក្រមមូលដ្ឋាននៃទំនាក់ទំនងអន្តរជាតិ និងប៉ះពាល់ដល់ទំនាក់ទំនងរវាងចិននិងអាមេរិកយ៉ាងធ្ងន់ធ្ងរ ប្រទេសចិនប្រឆាំងជាដាច់ខាតនិងថ្កោលទោសយ៉ាងខ្លាំងខក្លាចំពោះករណីនេះ និងសម្រេចដាក់ទណ្ឌកម្មដូចគ្នាតាមផ្លូវច្បាប់ ។
ប្រទេសចិនសម្រេចដាក់ទណ្ឌកម្មចំពោះលោកManza ប្រធានគណៈកម្មាធិការអន្តរជាតិស្តីពីសេរីភាពសាសនានៃសហរដ្ឋអាមេរិក លោក Turker អនុប្រធានគណៈកម្មាធិការនេះ ព្រមនឹងសមាជិកពីរនាក់នៃគណៈកម្មាធិការនេះរួមមានលោកBargava និងលោក Karl ។ វិធានការដាក់ទណ្ឌកម្មរួមមានការហាមមិនឱ្យបុគ្គលខាងលើចូលដែនប្រទេសចិន (រួមទាំងតំបន់ចិនដីគោក ចិនហុងកុង និងចិនម៉ាកាវ) ការបង្កកទ្រព្យសម្បត្តិរបស់ពួកគេនៅក្នុងប្រទេសចិន និងការហាមមិនឱ្យពលរដ្ឋនិងស្ថាប័នចិនធ្វើជំនួញជាមួយពួកគេចាប់ពីថ្ងៃ២១ ខែធ្នូនេះតទៅ។