កាលពីថ្ងៃទី ២២ ខែធ្នូ សិក្ខាសាលាអន្តរជាតិស្តីពីការប្រឆាំងនឹងភេរវកម្មលើកទី ២ ក្រោមប្រធានបទ “ស្ថានភាពថ្មី ការគំរាមកំហែងថ្មី និងបញ្ហាប្រឈមថ្មីនៃការប្រឆាំងនឹងភេរវកម្ម និងវិធានការថ្មីសម្រាប់រួមគ្នាឆ្លើយតប” បានបើកធ្វើនៅទីក្រុងប៉េកាំង ។ ប្រឈមនឹងការគំរាមកំហែងថ្មី និងបញ្ហាប្រឈមថ្មី ដូចជាកម្លាំងភេរវកម្មប្រើប្រាស់ច្រើនសន្ធឹកនូវបច្ចេកវិទ្យាថ្មី និងធ្វើសកម្មភាពភេរវកម្មកាន់តែលាក់កំបាំង កាន់តែគឃ្លើនតាមរយៈបណ្តាញអ៊ីនធើណេត និងភេរវនិយមសមគំនិតជាមួយក្រុមឧក្រិដ្ឋកម្មជាដើម ។ តំណាងចិននិងអន្តរជាតិជាច្រើនរូបបានលើកឡើងថា គួរតែបង្កើនកិច្ចសហប្រតិបត្តិការអន្តរជាតិនិងប្រកាន់ខ្ជាប់ដំណោះស្រាយបញ្ហាពីឫសគល់ ។
លោកWu Jianghao ឧបការីរដ្ឋមន្រ្តីការបរទេសចិនបានថ្លែងថា គួរតែជួយជ្រោមជ្រែងឱ្យអង្គការសហប្រជាជាតិដើរតួនាទីយ៉ាងពេញលេញក្នុងការប្រយុទ្ធប្រឆាំងនឹងភេរវកម្មជាសកល ជួយប្រទេសកំពុងអភិវឌ្ឍន៍និងប្រទេសដែលនៅជួរមុខនៃការប្រយុទ្ធប្រឆាំងនឹងភេរវកម្មឱ្យបង្កើនសមត្ថភាពប្រឆាំងនឹងភេរវកម្មនិងលុបបំបាត់ជ្រុលនិយម ព្រមទាំងស្តាប់គោលជំហរនិងសំណូមពររបស់ប្រទេសទាំងនេះអំពីការប្រឆាំងនឹងភេរវកម្ម ៕