ថ្ងៃទី២៩ខែធ្នូ ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានចេញផ្សាយសៀវភៅសស្តីពី«ការហាមឃាត់ការនាំចេញរបស់ប្រទេសចិន»។
នេះជាលើកដំបូងហើយដែលប្រទេសចិនចេញផ្សាយសៀវភៅសស្តីពីការហាមឃាត់ការនាំចេញ ក្នុងន័យធ្វើអធិប្បាយដោយគ្រប់ជ្រុងជ្រោយនូវគោលជំហរ របបនិងការអនុវត្តជាក់ស្តែងរបស់ចិនក្នុងការធ្វើឱ្យការគ្រប់គ្រងការនាំចេញមានសុក្រឹតភាព និងអធិប្បាយពីគំនិតផ្តួចផ្តើមនិងសកម្មភាពរបស់ចិនក្នុងការគាំពារសន្តិភាពនិងការអភិវឌ្ឍពិភពលោក ក៏ដូចជាគាំពារសន្តិសុខជាតិនិងអន្តរជាតិផងដែរ។
សៀវភៅសបានលើកឡើងថា ក្នុងនាមជារដ្ឋសមាជិកអចិន្រ្តៃយ៍នៃក្រុមប្រឹក្សាសន្តិសុខអង្គការសហប្រជាជាតិ និងជាប្រទេសធំបំផុតខាងពាណិជ្ជកម្មទំនិញនិងឧស្សាហកម្មផលិតកម្មពិភពលោក ប្រទេសចិនបានប្រកាន់ខ្ជាប់ជានិច្ចនូវគោលការណ៍ស្តីពីការគាំពារសន្តិសុខជាតិ គាំពារសន្តិភាពពិភពលោកនិងសន្តិសុខក្នុងតំបន់ ព្រមទាំងធ្វើឱ្យការគ្រប់គ្រងការនាំចេញមានសុក្រឹតភាពជាបន្តបន្ទាប់។
សៀវភៅសបានលើកឡើងទៀតថា ប្រទេសចិនប្រើក្រសែភ្នែកសកលគិតពិចារណាពីទំនួលខុសត្រូវរបស់ខ្លួន អនុវត្តយ៉ាងផ្ចត់ផ្ចង់នូវកាតព្វកិច្ចអន្តរជាតិ បង្កើនការផ្លាស់ប្តូរនិងកិច្ចសហប្រតិបត្តិការអន្តរជាតិ ចូលរួមយ៉ាងសកម្មនូវកិច្ចសម្របសម្រួលអន្តរជាតិអំពីការហាមឃាត់ការនាំចេញដោយការអនុវត្តជាក់ស្តែង ពួតដៃជាមួយបណ្តាប្រទេសនានាដើម្បីរួមគ្នាបង្កើតសហគមន៍រួមវាសនារបស់មនុស្សជាតិ ដែលបានបំពេញបន្ថែមថាមពលវិជ្ជមានទៅក្នុងសន្តិភាពនិងការអភិវឌ្ឍរបស់ពិភពលោក ៕