នៅថៃ្ងទី ២៩ ខែធ្នូ លោក Zhao Lijian អ្នកនាំពាក្យក្រសួងការបរទេសចិនបានថ្លែងថា នាពេលបច្ចុប្បន្ននេះ ការត្រៀមរៀបចំការប្រកួតកីឡាអូឡាំពិករដូវរងាក្រុងប៉េកាំងបានឈានចូលដំណាក់កាលគន្លឹះ ហើយទីក្រុងប៉េកាំងដែលក្លាយជាទីក្រុងដំបូងបង្អស់នៅលើពិភពលោកដែលបានរៀបចំទាំងការប្រកួតកីឡាអូឡាំពិករដូវក្តៅនិងការប្រកួតកីឡាអូឡាំពិករដូវរងានឹងបង្ហាញពីព្រឹត្តិការណ៍ប្រកួតកីឡាអូឡាំពិករដូវរងាមួយលើកដែលប្រកបដោយ"ភាពបៃតង សុវត្ថិភាពនិងភាពទាក់ទាញ"ចំពោះពិភពលោក ។
លោក Zhao Lijian បានលើកឡើងថា ការងារត្រៀមរៀបចំគ្រប់ផែ្នកនៃការប្រកួតកីឡាអូឡាំពិករដូវរងាក្រុងប៉េកាំងបានប្រពឹត្តិទៅយ៉ាងល្អប្រសើរដែលទទួលបានសមិទ្ធផលគួរឱ្យកត់សម្គាល់ ។ ក្នុងមួយរយៈពេលកន្លងមក អត្តពលិកនិងឥស្សរជនគ្រប់មជ្ឈដ្ឋាននៃប្រទេសជាច្រើនព្រមទាំងអង្គការអន្តរជាតិ ដូចជា គណៈកម្មាធិការកីឡាអូឡាំពិកអន្តរជាតិជាដើមសុទ្ធតែបាននាំគ្នាសម្តែងការគាំទ្រនិងការរំពឹងទុករបស់ខ្លួនចំពោះការប្រកួតកីឡាអូឡាំពិករដូវរងាក្រុងប៉េកាំង ៕