ថ្មីៗនេះ រដ្ឋបាលជាតិស្តារវិបុលភាពជនបទប្រទេសចិនបានចេញផ្សាយថា ចំនួនប្រជាជនចេញផុតពីភាពក្រីក្រទៅរកការងារធ្វើនៅទូទាំងប្រទេសចិនឆ្នាំ២០២១បានលើសពីគោលដៅប្រចាំឆ្នាំ ឆ្នាំ២០២២នឹងចាត់វិធាការខិតខំប្រឹងប្រែងដើម្បីធ្វើឱ្យកម្រិតប្រកបការងាររបស់ប្រជាជនចេញផុតពីភាពក្រីក្រលើសពី ឆ្នាំ២០២១។
គិតមកទល់ចុងខែធ្នូឆ្នាំ២០២១ ចំនួនប្រជាជនចេញផុតពីភាពក្រីក្រទៅរកការងារធ្វើនៅទូទាំងប្រទេសចិនឆ្នាំ២០២១បានកើនឡើងដល់៣១លាន៤សែន៥ម៉ឺននាក់ បានលើសពីគោលដៅប្រចាំឆ្នាំជិត១លាន២សែន៦ម៉ឺននាក់ ត្រូវជា១០៤.១៧%នៃគោលដៅនិងភារកិច្ចទូទាំងឆ្នាំ។
រដ្ឋបាលជាតិស្តារវិបុលភាពជនបទប្រទេសចិនបានលើកឡើងថា គួរជំរុញការរកការងារធ្វើនៅកន្លែងជិតផ្ទះ ព្រមពេលជាមួយគ្នានេះដែរ ត្រូវដោះស្រាយឱ្យបានល្អនូវបញ្ហាគ្មានការងារធ្វើនៃគ្រួសារចេញផុតពីភាពក្រីក្រដែលបានផ្លាស់ប្តូរទីលំនៅ និងចាត់វិធានការគ្រប់បែបយ៉ាងដើម្បីធានាឱ្យចំនួនប្រជាជនចេញផុតពីភាពក្រីក្រទៅរកការងារធ្វើរក្សានៅលើសពី៣០លាននាក់ ខិតខំប្រឹងប្រែងធ្វើឱ្យចំនួនកើនឡើងលើសពីឆ្នាំ២០២១៕