ក្រសួងការបរទេសចិនថ្លែងថា ប្រទេសចិននឹងផ្តល់ភាពងាយស្រួលដល់អ្នកសារព័ត៌មានចិននិងអន្តរជាតិដើម្បីផ្សព្វផ្សាយព័ត៌មានអំពីការប្រកួតកីឡាអូឡាំពិករដូវរងានិងការប្រកួតកីឡាអូឡាំពិកជនពិការរដូវរងាក្រុងប៉េកាំងឆ្នាំ ២០២២

2022-01-14 15:45:34 |ប្រភព:CRI

  ឆ្លើយតប​នឹង​ការយកចិត្តទុកដាក់​ដែល​លើកឡើង​ដោយ​អង្គការក្រៅរដ្ឋាភិបាល​អំពី​ថា​តើ​សេរីភាព​នៃ​ការផ្សាយព័ត៌មាន​ក្នុងអំឡុងពេល​ការប្រកួតកីឡាអូឡាំពិក​រដូវរងា​ក្រុងប៉េកាំង​នឹង​រង​ផលប៉ះពាល់​ពី​វិធានការ​បង្ការ​និង​គ្រប់គ្រង​ការរីករាលដាលនៃជំងឺកូវីដ ១៩ ​ដែរឬទេ ​លោក ​Wang ​Wenbin ​អ្នកនាំពាក្យ​ក្រសួងការបរទេសចិន​បានថ្លែង​នៅ​ថ្ងៃទី ​១៣​ ខែមករា ​ថា ​ប្រទេសចិន​នឹង​ផ្តល់​ការធានា​តាមផ្លូវច្បាប់​ដល់​សិទ្ធិ​និង​ផលប្រយោជន៍​ស្របច្បាប់​របស់​ប្រព័ន្ធ​សារព័ត៌មាន​បរទេស​ប្រចាំជាអចិន្រ្តៃយ៍​នៅប្រទេសចិន​និង​អ្នកសារព័ត៌មាន​បរទេស​តាម​រយៈ​ការ​ផ្តល់​ភាពងាយស្រួល​ដល់​អ្នកសារព័ត៌មាន​បរទេស​ដើម្បី​ផ្សព្វផ្សាយ​ព័ត៌មាន​អំពី​ការ​ប្រកួត​កីឡាអូឡាំពិក​រដូវរងា​និង​ការប្រកួត​កីឡា​អូឡាំពិកជនពិការ​រដូវរងា​ក្រុង​ប៉េកាំង​ឆ្នាំ ​២០២២ ​។

  លោក ​Wang ​Wenbin ​បាន​លើកឡើង​ថា ​"ពួកយើង​សូមស្វាគមន៍​ប្រព័ន្ធ​សារព័ត៌មាន​យក​ចិត្តទុកដាក់​និង​ផ្សព្វផ្សាយព័ត៌មាន​អំពី​ការប្រកួតកីឡាអូឡាំពិក​រដូវរងា​ក្រុងប៉េកាំង ​ហើយ​ក៏​ស្វាគមន៍​មតិយោបល់​ប្រកបដោយ​លក្ខណៈស្ថាបនា​របស់​ប្រព័ន្ធសារព័ត៌មាន​ផង​ដែរ ​ប៉ុន្តែ​យើង​ប្រឆាំង​យ៉ាងដាច់ខាត​នូវ​ការ​មួលបង្កាច់​ការពិតជាក់ស្តែង ​ការ​លាបពណ៌ទៅ​លើ​ប្រទេស​ចិន​និង​ការ​ប្រកួត​កីឡាអូឡាំពិករដូវរងា​ក្រុងប៉េកាំង​ដោយ​យក​នូវ​អ្វីដែល​ហៅ​ថា​'សេរីភាព​សារព័ត៌មាន'​មក​ធ្វើជាលេស ​"៕​