បទវិភាគ៖សមិទ្ធផលខាងសេដ្ឋកិច្ចដ៏ល្អប្រសើររបស់ចិនក្នុងឆ្នាំ ២០២១ បានបន្សល់ទុកនូវការបំផុសគំនិតយ៉ាងជ្រាលជ្រៅសម្រាប់ពេលអនាគត

2022-01-25 10:26:41 |ប្រភព:CRI

  ឆ្នាំ​ ២០២១ ​គឺជា​ឆ្នាំ​ដ៏​មានអត្ថន័យ​ជានិមិត្តសញ្ញា​សម្រាប់ប្រទេសចិន ​ហើយ​"តារាងពិន្ទុ"​ផ្នែក​សេដ្ឋកិច្ច​ពេញ​មួយ​ឆ្នាំ​របស់ចិន​ក៏​កាន់តែ​ក្លាយជា​ការបកស្រាយ​ដែល​មានសារសំខាន់​ផងដែរ ​។​

  គួរបញ្ជាក់ថា ​ក្នុងឆ្នាំ​ ២០២១ ​ទំហំសេដ្ឋកិច្ច​សរុបរបស់ចិន​មានចំនួនលើសពី ​១ ​រយ ​១០ ​ទ្រីលានយាន់​ប្រាក់​ចិន ​គឺ​ដល់​ទៅ ​១១៤.៤ ​ទ្រីលានយាន់ប្រាក់ចិន​ដែលបាន​កើនឡើង ​៨.១ ​ភាគរយ​បើប្រៀបធៀប​នឹង​រយៈ​ពេល​ដូច​គ្នា​នា​ឆ្នាំ ​២០២០ ​។ ​ផលិតផល​ក្នុងស្រុក​សរុប​គិតជាមធ្យម​ក្នុងមនុស្សម្នាក់ៗ​បានឡើងដល់ ​៨ ​ម៉ឺន ​៩ ​រយ​ ៧៦ ​យាន់ប្រាក់ចិន ​បើ​គិត​តាម​អត្រាប្តូរប្រាក់​គិតជាមធ្យម​ប្រចាំឆ្នាំ ​បាន​លើសពី ​១​ ម៉ឺន​ ២​ ពាន់​ដុល្លារអាមេរិក ​។ល។ ​ការទទួលបាន​សមិទ្ធផល​បែប​នេះ​គឺ ​ខ្ពស់ជាង​គោលដៅ​ដែលបាន​កំណត់​នៅ​ដើម​ឆ្នាំ​ ២០២១ ​ហើយ​ក៏បាន​លើសពី​ការប៉ាន់ប្រមាណជាទូទៅ​របស់​គ្រឹះស្ថាន​សេដ្ឋកិច្ច​នានា​ផងដែរ ​។​

  ដោយឡែក​នាពេលបច្ចុប្បន្ន​ដែល​សេដ្ឋកិច្ចសកល​កំពុង​ខិតខំ​ប្រែពី​ការ​ធ្លាក់ចុះយ៉ាងខ្លាំង​ទៅជា​ការងើប​ឡើង​វិញ​ជាបណ្តើរៗ ​"ភាពធន់​យ៉ាងខ្លាំងក្លា​"នៃ​សេដ្ឋកិច្ចចិន​ដែលបាន​បង្ហាញ​ទៅកាន់​ពិភពលោក​អាច​បញ្ជាក់​ពី​"ការបោះជំហាន​កាន់តែរឹងមាំ ​ទើប​អាច​ធ្វើដំណើរបាន​កាន់តែឆ្ងាយ" ​។ ​ដោយសារតែ​ការផ្តោត​សំខាន់​លើ​សំបកក្រៅ​នៃ​ទិន្នន័យ ​ធ្វើបទបង្ហាញ​និង​ការវិភាគ​ចំពោះ​តក្កវិទ្យា​ដែល​"ខ្ពស់ជាង​គោលដៅ​ដែល​បាន​កំណត់​ជាមុន"​ព្រមទាំង​បូកសរុប​មូលហេតុ​ដែល​"លើស​ពី​ការ​ប៉ាន់​ប្រមាណ​" ​បានជា​សមិទ្ធផល​ផ្នែក​សេដ្ឋកិច្ច​ដ៏ល្អប្រសើរ​របស់ចិន​ក្នុង​ឆ្នាំ ​២០២១ ​បាន​បន្សល់​ទុក​នូវ​ការ​បំផុស​គំនិត​យ៉ាង​ជ្រាលជ្រៅ​សម្រាប់​ពេល​អនាគត ​។

    សមិទ្ធផលគួរឱ្យកត់សម្គាល់នេះ​បានមក​ដោយមិនងាយ​នោះទេ ​។ ​ក្នុងរយៈពេលជាង ​២ ​ឆ្នាំ​ចុង​ក្រោយ​នេះ ​សេដ្ឋកិច្ចចិន​បានទប់ទល់​ដោយមាន​ប្រសិទ្ធភាព​នូវ​កម្លាំងសម្ពាធ​ដែលបណ្តាលមកពី​ការរីករាល​ដាល​នៃ​ជំងឺកូវីដ ​១៩ ​ហើយបាន​បង្ហាញពី​ភាពធន់យ៉ាងខ្លាំង​ដែលបានបញ្ជាក់ថា ​និន្នាការល្អ​ប្រសើរ​ជា​ទូ​ទៅ​ក្នុង​រយៈពេលយូរ​មិនផ្លាស់ប្ដូរ​ឡើយ ​។

    ពី​ទំហំ​សេដ្ឋកិច្ចសរុបរបស់ចិន​មានចំនួន​លើសពី ​១ ​រយ ​១ ​ទ្រីលាន​យាន់ប្រាក់ចិន​ដល់​១ រយ ​១៤ ​ទ្រីលាន​យាន់ប្រាក់ចិន ​កំណើនសេដ្ឋកិច្ច​ក្នុង​ឆ្នាំ​ ២០២១ ​របស់ចិន​ប្រហែល​ឡើងដល់​ ១៣ ​ទ្រីលាន​យាន់​ប្រាក់​ចិន​ដែល​ស្មើ​នឹង​ ២​ ទ្រីលាន​ដុល្លារអាមេរិក ​ពោលគឺ ​ស្មើនឹង​ទំហំ​សេដ្ឋកិច្ច​សរុប​ក្នុងមួយឆ្នាំ​របស់​តួអង្គ​សេដ្ឋកិច្ច​ដ៏សំខាន់​ធំបង្គួរ​មួយ​នៅលើ​ពិភពលោក ​ដែល​មានន័យថា ​កម្លាំង​ជាតិ​ចម្រុះ ​សមត្ថភាព​ផលិតកម្ម​សង្គម​និង​កម្រិតជីវភាពរស់នៅ​របស់ប្រជាជន​នៃ​ប្រទេសចិន​ត្រូវ​បាន​លើក​កម្ពស់​ថែមមួយ​កម្រិត​ទៀត ​ហើយ​វា​ក៏​មានសេចក្តី​ថា ​ការអភិវឌ្ឍ​របស់ប្រទេសចិន​មាន​មូលដ្ឋាន​គ្រឹះ​កាន់តែ​រឹងមាំ ​លក្ខណ​សម្បត្តិ​កាន់តែ​ល្អ​ប្រសើរ​និង​កម្លាំងចលករ​កាន់តែខ្លាំងក្លា ​ព្រមពេលជាមួយគ្នានេះ ​ក៏​បាន​រួមចំណែក​កម្លាំង​របស់​ចិន​សម្រាប់​ការអភិវឌ្ឍជាសកល​ផងដែរ ​។​

    សមិទ្ធផល​អភិវឌ្ឍន៍​ដែល​ចិន​ទទួល​បាន​ក្នុងរយៈពេលមួយឆ្នាំ​កន្លងមក ​សុទ្ធតែ​បាន​ពង្រឹង​នូវ​មូលដ្ឋាន​គ្រឹះ​យ៉ាង​រឹងមាំ​ដើម្បី​សម្រេច​គោលដៅ​នានា​តាមពេលកំណត់ ​។ ​ដោយឡែក​អាស្រ័យលើ​មូលដ្ឋាន​គ្រឹះ​ដ៏​រឹង​មាំ​បែបនេះ ​និន្នាការ​ដ៏​ល្អប្រសើរជាទូទៅ​ក្នុងរយៈពេលយូរ​របស់​សេដ្ឋកិច្ចចិន​មានភាព​កាន់​តែ​ខ្លាំងក្លា​ ហើយ​សមត្ថភាព​ទប់ទល់​នឹង​ការប្រឈម​និង​ហានិភ័យ​គ្រប់បែបយ៉ាង​មាន​ភាពជឿជាក់​កាន់តែ​ប្រសើរ​ឡើងៗ ​។

    គួររំលឹកថា ​នាពេលថ្មីៗកន្លងទៅនេះ ​ទីភ្នាក់ងារសារព័ត៌មាន ​Bloomberg ​បាន​ចេញ​ផ្សាយ​អត្ថបទ​ដោយ​លើកឡើង​ថា ​"ការបណ្តាក់ទុន​មានហានិភ័យ​របស់ចិន​ក្នុង​ឆ្នាំ​ ២០២១ ​បាន​ឡើង​ដល់ ​១ ​សែន ​៣ ​ម៉ឺន ​៦ ​រយ​លាន​ដុល្លារអាមេរិក​ដែល​បាន​បំបែក​កំណត់ត្រា​ខ្ពស់​ថ្មី ​ពោលគឺ ​កើនឡើង​ប្រហែល ​៥០ ​ភាគ​រយ​បើ​ប្រៀប​ធៀប​នឹង​ទំហំ​ទឹកប្រាក់​ចំនួន​ ៨ ​ម៉ឺន​ ៦ ​ពាន់​ ៧​ រយ​លានដុល្លារអាមេរិក​កាលពី​ឆ្នាំ ​២០២០ ​" ។​

    សមិទ្ធិផលដ៏មហិមា​ដែល​ប្រទេសចិន​សម្រេចបាន ​មិនដែល​ពឹងផ្អែកលើ​ភាពចៃដន្យ​ឬ​ព្រេង​សំណាង​នោះ​ទេ ​តែ​គឺ​ពឹងផ្អែកលើ​បក្សកុម្មុយនិស្តចិន​ដែលជា​ស្នូល​សម្រាប់​ប្រមូលផ្តុំកម្លាំង​កាយ​ចិត្ត​និង​គំនិត​សេដ្ឋកិច្ច​របស់​លោក​ប្រធានរដ្ឋចិន ​Xi ​Jinping ​ដែលជា​ត្រីវិស័យ​សម្រាប់​ចង្អុល​បង្ហាញ​ទិសដៅ ​។​

    ឆ្នាំ ​២០២២ ​ប្រទេសចិន​បាន​ត្រៀម​លក្ខណៈ​រួចហើយ ​។ ​យើង​មុខជានឹង​ជំរុញ​សេដ្ឋកិច្ច​ចិន​ឱ្យ​ដណ្តើម​បាន​សិទ្ធិម្ចាស់ការ ​ឧត្តមភាព​និង​អនាគត​ដ៏ភ្លឺស្វាង​ក្នុង​ការអភិវឌ្ឍ​ប្រកបដោយគុណភាពខ្ពស់​ជាក់​ជា​មិន​ខាន ​!