កាលពីថ្ងៃទី ២៥ ខែមករា ថ្លែងក្នុងកិច្ចប្រជុំជជែកពិភាក្សាបើកចំហអំពី “បញ្ហាការពារជនស៊ីវិលក្នុងសង្គ្រាមនៅទីក្រុង” នៃក្រុមប្រឹក្សាសន្តិសុខអង្គការសហប្រជាជាតិ លោក Zhang Jun តំណាងប្រទេសចិនប្រចាំជាអចិន្ត្រៃយ៍នៅអង្គការសហប្រជាជាតិបានលើកឡើងថា ប្រទេសចិនសូមអំពាវនាវយ៉ាងខ្លាំងក្លាដល់ប្រទេសនិងភាគីមានជម្លោះទាំងអស់ឱ្យគោរពតាមសេចក្តីសម្រេចចិត្តស្តីពីការឈប់បាញ់គ្នាក្នុងអំឡុងពេលបើកធ្វើព្រឹត្តិការណ៍កីឡាអូឡាំពិករដូវរងាក្រុងប៉េកាំង ហើយសូមឱ្យចាត់ទុកព្រឹត្តិការណ៍កីឡាអូឡាំពិករដូវរងាក្រុងប៉េកាំងជាឱកាសមួយដើម្បីលុបបំបាត់ការខ្វែងគំនិតតាមរយៈការសន្ទនា និងយកកិច្ចសហប្រតិបត្តិការមកជំនួសឱ្យការប្រឈមមុខដាក់គ្នា ។
លោក Zhang Jun បានបន្តថ្លែងថា ការសម្រេចបាននូវបទឈប់បាញ់ គឺជាជំហានដំបូងក្នុងដំណោះស្រាយតាមវិធីនយោបាយ។ កាលពីខែធ្នូឆ្នាំ២០២១ មហាសន្និបាតអង្គការសហប្រជាជាតិបានអនុម័តជាឯកច្ឆន្ទនូវសេចក្តីសម្រេចចិត្តស្តីពីការឈប់បាញ់គ្នាក្នុងអំឡុងពេលបើកធ្វើព្រឹត្តិការណ៍កីឡាអូឡាំពិករដូវរងាក្រុងប៉េកាំង ដែលមានប្រទេសចំនួន ១៧៣ បានរួមគ្នាលើកឡើងសំណើនេះ ។ ប្រការនេះបានបង្ហាញជាថ្មីម្តងទៀតនូវការឯកភាពរួមផ្នែកនយោបាយរបស់សហគមន៍អន្តរជាតិដែលរំពឹងថាគ្រប់ភាគីមានជម្លោះអាចសម្រេចបានបទឈប់បាញ់ ៕