ពេលផ្តល់បទសម្ភាសន៍ជាមួយអ្នកសារព័ត៌មាននាពេលថ្មីៗកន្លងទៅនេះ លោកDamir Stajnerប្រធានប្រតិបត្តិនៃគណៈកម្មាធិការកីឡាអូឡាំពិកស៊ែប៊ីបានថ្លែងថា ការរៀបចំការប្រកួតកីឡាអូឡាំពិករដូវរងាមិនត្រឹមតែបង្ហាញឱ្យឃើញនូវកម្លាំងជាក់ស្តែងដ៏ខ្លាំងក្លារបស់ចិនប៉ុណ្ណោះទេ ថែមទាំងបានជំរុញដល់សាមគ្គីភាពនិងការផ្លាស់ប្តូររវាងបណ្តាប្រទេសនានាលើពិភពលោកផងដែរ។
គិតរហូតដល់បច្ចុប្បន្ននេះ ក្រុងប៉េកាំងជាទីក្រុងតែមួយគត់លើពិភពលោកដែលមិនត្រឹមតែបានរៀបចំការប្រកួតកីឡាអូឡាំពិករដូវក្តៅប៉ុណ្ណោះទេ ថែមទាំងបានរៀបចំការប្រកួតកីឡាអូឡាំពិករដូវរងាទៀតផង។លោកDamir Stajnerសម្គាល់ឃើញថា ក្នុងករណីដែលស្ថានការណ៍ពិភពលោកស្ថិតក្រោមភាពលំបាកបែបនេះ ការប្រកួតកីឡាអូឡាំពិករដូវរងាបានបើកធ្វើតាមពេលកំណត់ នេះមិនត្រឹមតែបានបង្ហាញពីកម្លាំងរបស់ចិនប៉ុណ្ណោះទេ ថែមទាំងក៏បង្ហាញពីភាពខ្លាំងក្លារបស់មនុស្សជាតិផងដែរ។
លោកDamir Stajnerសម្គាល់ឃើញថា ការរៀបចំការប្រកួតកីឡាអូឡាំពិករដូវរងាតាមពេលកំណត់ក្នុងបរិបទនៃការរីករាលដាលយ៉ាងធ្ងន់ធ្ងរនៃជំងឺកូវីដ១៩ វាមានអត្ថន័យដ៏ធំដុំណាស់៕"ខ្ញុំយល់ឃើញថា វាបានលើសពីក្របខណ្ឌនៃកីឡាហើយ តាមពិតទៅ ព្រឹត្តិការណ៍ប្រកួតកីឡាអូឡាំពិកនិងចលនាអូឡាំពិកសម័យទំនើបគ្រាន់តែជាវេទិកាមួយ ហើយកីឡាបានក្លាយជាមធ្យោបាយសម្រាប់សម្រេចគោលដៅកាន់តែសំខាន់៕”