ថ្ងៃទី ១៣ ខែកុម្ភៈ កីឡាករចិន Wu Dajing ដែលឈ្នះមេដាយមាសតែមួយគត់សម្រាប់គណៈប្រតិភូអត្តពលិកចិនក្នុងការប្រកួតកីឡាអូឡាំពិករដូវរងាក្រុង Pyeongchang មិនបានចូលវគ្គផ្តាច់ព្រ័ត្រនៃវិញ្ញាសាជិះស្គីល្បឿនលឿនចម្ងាយ ៥០០ ម៉ែត្រប្រភេទបុរសក្នុងពូល Aនោះទេ មានន័យថាលោកមិនអាចបន្តគ្រងតំណែងជើងឯកក្នុងការប្រកួតកីឡាអូឡាំពិករដូវរងាក្រុងប៉េកាំងនេះឡើយ។ ចំណែកក្រុមអត្តពលិកនារីចិនដណ្តើមបានមេដាយសំរឹទ្ធក្នុងការប្រកួតជិះស្គីបណ្តាក់ចម្ងាយ ៣០០០ ម៉ែត្រ។ នាថ្ងៃដដែល មានព្រិលធ្លាក់នៅតំបន់ក្រុងប៉េកាំង ក្រុងធានជីននិងខេត្តហឺប៉ី បានជាការប្រកួតជម្រុះនៃវិញ្ញាសា Ladies Slopestyle នៃវិញ្ញសាជិះក្តារស្គីព្រិលបែបសេរីបានលើកពេលទៅធ្វើនៅថ្ងៃទី ១៤ ខែកុម្ភៈវិញដោយសារអាកាសធាតុមិនអំណោយផល ចំណែកការប្រកួតវគ្គផ្តាច់ព្រ័ត្រលើកពេលទៅធ្វើនៅថ្ងៃទី ១៥ ខែកុម្ភៈ។ ចំណែកការប្រកួតវគ្គជម្រុះនៃវិញ្ញាសា Ladies Aerials នៃវិញ្ញាសាជិះក្តារស្គីព្រិលបែបសេរីក៏លើកពេលទៅធ្វើនៅថ្ងៃទី ១៤ខែកុម្ភៈផងដែរ។ លើសពីនេះ ការហ្វឹកហាត់ជាផ្លូវការលើកទី២ នៃវិញ្ញសាជិះស្គីចុះជម្រាលប្រភេទនារីនៃវិញ្ញាសាជិះក្តារស្គីព្រិលចុះពីលើភ្នំក៏ត្រូវលុបចោលដែរ៕