ថ្ងៃទី១៦ ខែកុម្ភៈ ក្រុមប្រឹក្សាសន្តិសុខនៃអង្គការសហប្រជាជាតិបានរៀបចំកិច្ចប្រជុំបើកចំហអំពីបញ្ហាកិច្ចសហប្រតិបត្តិការរវាងអង្គការសហប្រជាជាតិនិងអង្គការសន្ធិសញ្ញាសន្តិសុខសមូហភាព។
លោកZhangJunតំណាងរបស់ចិនប្រចាំជាអចន្ត្រៃយ៍នៅអង្គការសហប្រជាជាតិបានលើកឡើងថា សហគមន៍អន្តរជាតិគួរអនុវត្តពហុភាគីនិយមពិតប្រាកដ ប្រឆាំងការធ្វើនយោបាយជាក្រុមនិងបង្កើតជារង្វង់តូច។ប្រទេសមួយចំនួនអនុវត្តឯកតោភាគីនិយមនិងគោលនយោបាយអនុត្តរភាព ព្រមទាំងធ្វើឱ្យប៉ះពាល់សន្តិសុខនិងផលប្រយោជន៍អភិវឌ្ឍន៍របស់ប្រទេសដទៃតាមវិធីមិនត្រឹមត្រូវ វាជាការបំផ្លាញយ៉ាងធ្ងន់ធ្ងរនូវសណ្តាប់ធ្នាប់អន្តរជាតិនិងស្ថិរភាពនៃយុទ្ធសាស្ត្រសកល។កិច្ចការចម្បងដែលសហគមន៍អន្តរជាតិគួរធ្វើនៅអាហ្វហ្កានីស្ថានគឺខិតចំចៀសវាងគ្រោះមនុស្សជាតិ។ទ្រព្យសម្បត្តិនៅបរទេសរបស់អាហ្វហ្កានីស្ថានត្រូវប្រគល់ជូនប្រជាជនអាហ្វហ្កានីស្ថានដោយឆាប់រហ័សនិងគ្រប់ចំនួន។ប្រទេសចិននិងប្រទេសសមាជិកនៃអង្គការសន្ធិសញ្ញាសន្តិសុខសមូហភាពសុទ្ធតែជាដៃគូសំខាន់ដែលមានមេត្រីភាពនិងទំនុកចិត្តទៅវិញទៅមកក្នុងរយៈពេលយូរ។យើងនឹងកសាងសហគមន៍រួមវាសនាដែលមានភាពកាន់តែជិតស្និទ្ធ៕