វេបសាយ”ស្ថានទូតចិនប្រចាំនៅប្រទេសកម្ពុជា”បានផ្សព្វផ្សាយព័ត៌មានថា ស្ថានទូតចិនប្រចាំនៅប្រទេសកម្ពុជាយកចិត្តទុកដាក់អំពីហេតុការណ៍ការបង្ខំមនុស្សធ្វើទារុណកម្ម និងការលក់ឈាម” ហើយបានជម្រុញនគរបាលកម្ពុជាធ្វើការស៊ើបអង្កេត និងបន្តយកចិត្តទុកដាក់លើសំណុំរឿងនេះ ។ នាថ្ងៃទី ២៨ ខែកុម្ភៈ នគរបាលកម្ពុជាបានប្រកាសការស៊ើបអង្កេតបឋម គឺកំណត់ថា ហេតុការណ៍ការបង្ខំមនុស្សធ្វើទារុណកម្ម និងការលក់ឈាម”ជាព័ត៌មានប្រឌិត ។
តាមការកំណត់របស់នគរបាលកម្ពុជាបានឱ្យដឹងថា ពលរដ្ឋចិនឈ្មោះ លី យ៉ាលូន បានលួចឆ្លងដែនចូលប្រទេសកម្ពុជាដោយខុសច្បាប់ បន្ទាប់មក គាត់បានមានជំងឺប្រចាំកាយ ហើយបានទាក់ទងមនុស្សមួយក្រុមដើម្បីជួយរកវិធីដោះស្រាយបញ្ហារបស់ខ្លួនឯង ។ មនុស្ស ៣ នាក់ផ្សេងទៀតមានគោលបំណងរកលេសជួយលោក លី យ៉ាលូន រៀបចំគម្រោងប្រឌិតព័ត៌មានក្លែងក្លាយអំពីការបង្ខំមនុស្សធ្វើទារុណកម្ម និងការលក់ឈាម ដែលបានធ្វើឲ្យមានការភ័ន្តច្រឡំពីសាធារណៈមតិជាតិ និងប៉ះពាល់ដល់សង្គមយ៉ាងធ្ងន់ធ្ងរ។ សំណុំរឿងនេះនឹងត្រូវបានបញ្ជូនទៅតុលាការរបស់ប្រទេសកម្ពុជា ។
ស្ថានទូតចិនប្រចាំនៅប្រទេសកម្ពុជាអំពាវនាវដល់ពលរដ្ឋចិនកំពុងនៅប្រទេសកម្ពុជា សូមគោរពច្បាប់ចិន និងកម្ពុជា កុំប្រឌិតព័ត៌មានក្លែងក្លាយ និងអំពាវនាវអ្នកទាំងអស់គ្នាបែងចែករវាងត្រូវ និងខុស កុំឲ្យអ្នកដទៃប្រើប្រាស់បាន ។
ស្ថានទូតចិនប្រចាំនៅប្រទេសកម្ពុជាបានបញ្ជាក់ថា ស្ថានទូតចិនប្រចាំនៅប្រទេសកម្ពុជានឹងបន្តយកចិត្តទុកដាក់អំពី សំណុំរឿងនេះ ការពារសិទ្ធិ និងផលប្រយោជន៍ស្របច្បាប់របស់ភាគីពាក់ព័ន្ធក្រោមក្របខណ្ឌច្បាប់របស់ប្រទេសចិន និងកម្ពុជា ហើយនឹងគាំទ្រស្ថានប័នអនុវត្តច្បាប់របស់ប្រទេសកម្ពុជា ពង្រឹងកម្លាំងក្នុងការល្បែងអនឡាញ និងការបោកប្រាស់តាមទូរស័ព្ទដែលពាក់ព័ន្ធពលរដ្ឋចិន ដើម្បីការពារសុវត្ថិភាពអាយុជីវិត និងទ្រព្យសម្បត្តិរបស់ពលរដ្ឋចិននៅកម្ពុជា ។
ប្រភព៖chinanews
អ្នកបកប្រែ៖刘蓉