ទាក់ទិននឹងរឿងដែលលោកBlinkenរដ្ឋមន្រ្តីការបរទេសអាមេរិកបានលាបពណ៌លើប្រទេសចិនដោយយកពាក្យកុហកពាក់ព័ន្ធនឹងស៊ីនជាំងធ្វើជាលេសកាលពីថ្ងៃទី១ខែមីនា លោកWangWenbingអ្នកនាំពាក្យក្រសួងការបរទេសចិនបានឆ្លើយតបក្នុងសន្និសីទសារព័ត៌មានជាប្រចាំដែលបើកធ្វើនៅថ្ងៃទី២ខែមីនាថា រឿងនេះបានលាតត្រដាងយ៉ាងពេញលេញនូវចេតនាពិតរបស់អាមេរិកដែលប៉ុនប៉ងបំផ្លិចបំផ្លាញស្ថិរភាពនិងការអភិវឌ្ឍរបស់ប្រទេសចិនដោយយកបញ្ហាពាក់ព័ន្ធនឹងស៊ីនជាំងធ្វើជាលេស ប៉ុន្តែ នៅចំពោះមុខការពិតជាក់ស្តែង ពាក្យកុហកនិងពាក្យចចាមអារ៉ាមពិតជានឹងត្រូវលាតត្រដាងដោយឯកឯង។
លោកWangWenbingបានថ្លែងថា ភាគីចិនថ្កោលទោសចំពោះភាគីអាមេរិកដែលផ្សព្វផ្សាយពាក្យចចាមអារ៉ាមម្តងទៀត ដើម្បីលាបពណ៌និងវាយប្រហារចំពោះភាគីចិន។ក្នុងរយៈជាង៦០ឆ្នាំកន្លងទៅ ចំនួនប្រជាជននៅតំបន់ស៊ីនជាំងប្រទេសចិនបានកើនឡើង៤ដង ចំនួនប្រជាជនសរុបនៃជនជាតិវៃវូអឺបានកើនឡើងពី២លាន២សែនដល់ប្រហែល១២លាននាក់ ការឃោសនាបំប៉ោងពីអ្វីដែលហៅថា"អំពើប្រល័យពូជសាសន៍”នៅស៊ីនជាំង វាគឺជាពាក្យកុហកប្រចាំសតវតស្សរ៍ដ៏សុទ្ធសាធដែលគ្មានគុណធម៌ទាល់តែសោះ ៕