នាថ្ងៃទី ២ ខែមីនា ឆ្នាំ ២០២២ «Global Times»បានដកស្រង់របាយការណ៍របស់អ្នកវិទ្យាសាស្ត្រចិន ដែលបានបញ្ជាក់ ទិន្នន័យរបស់គម្រោង”ការពិនិត្យទំនប់វារីអគ្គិសនីទំនប់មេគង្គ” ដែលផ្តល់មូលនិធិដោយសហរដ្ឋអាមេរិកមានកំហុសធ្ងន់ធ្ងរ ។ នាថ្ងៃទី ៣ ខែមីនា គម្រោង ដែលធ្លាប់និយាយបង្ខូចអំពី”ទំនប់វារីអគ្គិសនីរបស់ចិនបង្កឱ្យតំបន់អាស៊ីអាគ្នេយ៍ខ្វះខាតទឹក”នេះបានទទួលស្គាល់កំហុសតាមFacebook ថា ទិន្នន័យរបស់ពួកគាត់ពិតមានកំហុស ហើយបានកែប្រែទិន្នន័យខ្លះ។ ប៉ុន្តែ អ្នកជំនាញជលសាស្ត្រចិនបានបញ្ជាក់ថា ទិន្នន័យដែលត្រូវបានកែប្រែនោះនៅតែមានកំហុសធ្ងន់ធ្ងរ ។
នាថ្ងៃទី ២ ខែមីនា ឆ្នាំ ២០២២ «Global Times»បានផ្សព្វផ្សាយព័ត៌មានថា ការដកស្រង់តាមរបាយការណ៍ពីក្រុមស្រាវជ្រាវរបស់សាកលវិទ្យាល័យស៊ីងហួបានឱ្យដឹងថា គម្រោង”ការពិនិត្យទំនប់វារីអគ្គិសនីទំនប់មេគង្គ” មិនត្រូវគ្នានឹងទិន្នន័យពិតប្រាកដ មិនអាចបង្ហាញពីនិន្នាការទូទៅនូវការប្រើប្រាស់ទឹកក្នុងតំបន់អាស៊ីអាគ្នេយ៏ ។ ក្នុងអតីតកាល គម្រោង”ការពិនិត្យទំនប់វារីអគ្គិសនីទំនប់មេគង្គ” តែងតែផ្សព្វផ្សាយដែលហៅថា "ទិន្នន័យ" ដើម្បីបំផ្លើស”ឥទ្ធិពលជលសាស្ត្រអវិជ្ជមាន”របស់ទំនប់នៅតំបន់ខាងក្រោមនៃទន្លេឡានឆាង-ទន្លេមេគង្គ ដែលសាងសង់ដោយប្រទេសចិន ហើយធ្វើឱ្យប្រជាមតិក្នុងតំបន់ទន្លេឡានឆាង-ទន្លេមេគង្គឆ្ពោះទៅប្រទេសចិន ។
«Global Times» បានផ្សព្វផ្សាយថា តាំងពីខែវិច្ឆិកា ឆ្នាំ២០២០ ប្រទេសចិនបានចាប់ផ្តើមផ្តល់ទិន្នន័យអំពីជលសាស្ត្រប្រចាំឆ្នាំនៃទន្លេឡានឆាងដល់ប្រទេសតំបន់ទន្លេមេគង្គ វេទិកាកិច្ចសហប្រតិបត្តិការចែករំលែកព័ត៌មានធនធានទឹកក្នុងតំបន់ទន្លេឡានឆាង-ទន្លេមេគង្គត្រូវបានប្រើប្រាស់ជាផ្លូវការ ។ ក្រៅពីនេះ ប្រទេសទាំង ៦ ក្នុងតំបន់ទន្លេឡានឆាង-ទន្លេមេគង្គតាមយន្តការក្រុមការងារស្តីពីកិច្ចសហប្រតិបត្តិការធនធានទឹកផ្ញើដំណឹងអំពីទិដ្ឋភាពនៃស្ថានីយ៍វារីអគ្គិសនីសំខាន់ៗ ហើយចែករំលែកទិន្នន័យពាក់ព័ន្ធ ។
ប្រភព៖Global Times
អ្នកបកប្រែ៖刘蓉