កិច្ចប្រជុំលើកទី ៥ នៃមហាសន្និបាតសភាប្រឹក្សានយោបាយប្រជាជនទូទាំងប្រទេសចិននីតិកាលទី ១៣ បានបិទបញ្ចប់ ក្រោមវត្តមានរបស់លោក Xi Jinping និងថ្នាក់ដឹកនាំបក្សនិងរដ្ឋជាច្រើនរូប

2022-03-11 14:57:32 |ប្រភព:CRI

  នៅព្រឹកថ្ងៃទី ​១០​ ខែមីនា​ ​កិច្ចប្រជុំលើកទី​ ​៥​ នៃមហាសន្និបាត​សភាប្រឹក្សា​នយោបាយ​​ប្រជាជន​ទូទាំងប្រទេសចិន​នីតិកាលទី ​១៣​ ​បានបញ្ចប់​របៀបវារៈទាំងអស់​ដោយ​គាប់​ប្រសើរ​​ ​ហើយ​បាន​បិទសម័យប្រជុំ​នៅ​វិមានប្រជាជន​ក្រោមអធិបតីរបស់​លោក ​Wang ​Yang​ ប្រធាន​​សភាប្រឹក្សា​នយោបាយ​​ប្រជាជន​ទូទាំងប្រទេស​ចិន ​និងមានការ​អញ្ជើញ​ជា​គណៈអធិបតី​ពី​ថ្នាក់ដឹកនាំ​បក្ស​និង​រដ្ឋ​រួមមាន​លោក​​ Xi Jinping ប្រធានរដ្ឋចិន​ និង​លោក ​Li Keqiang ​នាយករដ្ឋមន្រ្តី​ចិ​នជាដើម​។​

  កិច្ចប្រជុំ​លើកនេះ​បាន​អនុម័តលើ​សេចក្តីសម្រេចចិត្ត​ចំនួន​ ​៤ ​។​ ​លោក​​ Wang Yang​ បាន​លើកឡើង​ថា​ ​កិច្ចប្រជុំលើកនេះជា​កិច្ចប្រជុំ​មួយ​ដែល​ប្រកបដោយ​ប្រជាធិបតេយ្យ​និង​សាមគ្គីភាព ​ភាពប្រាកដប្រជា​ ភាពសន្សំសំចៃនិង​ប្រសិទ្ធភាពខ្ពស់​។​ ​៤ ឆ្នាំកន្លងមក ​យើង​បាន​រួមគ្នា​ធ្វើ​ជា​សាក្សី​នៃ​ព្រឹត្តិការណ៍​សំខាន់ៗ​មួយចំនួន​ ដូចជា​ខួប​អនុស្សាវរីយ៍​លើក​ទី​ ​៧០​ នៃការ​បង្កើត​ប្រទេសចិនថ្មី​ ​និង​ខួប​លើក​ទី​ ​១០០ ​នៃការបង្កើត​បក្ស​កុម្មុយនិស្តចិន​ជាដើម​ ​បានរួមគ្នា​ប្រយុទ្ធប្រឆាំងនឹង​ជំងឺ​កូវីដ ១៩ ​យកឈ្នះលើ​យុទ្ធនាការ​ពុះពារ​ឧបសគ្គ​ក្នុងការលុបបំបាត់ភាពក្រីក្រ ​និង​ការកសាង​ដោយគ្រប់ជ្រុងជ្រោយនូវ​សង្គមដែល​ប្រជាជន​មានជីវភាពធូរធារបង្គួរ​។​ ​សមាជិក​សភា​ប្រឹក្សា​នយោបាយបាន​រួបរួមគ្នា​កាន់តែ​ស្អិតល្មួត​នៅជុំវិញ​មជ្ឈិមបក្ស​កុម្មុយនិស្តចិន​ដែល​មាន​លោក​​ Xi Jinping ជាប្រមុខស្នូល​ ​ធ្វើ​កិច្ច​ខិតខំ​ប្រឹងប្រែង​ ដើម្បី​ឈានទៅរក​​ការ​បើកធ្វើ​សមាជបក្សកុម្មុយនិស្តចិនលើក​ទី​ ​២០ ​ដោយ​ជោគជ័យ!

  សូមបញ្ជាក់ថា​ ​អង្គទូតបរទេសប្រចាំ​នៅចិនក៏​បាន​ចូលរួម​ពិធីបិទសម័យប្រជុំ​តាម​ការ​អញ្ជើញ​ផងដែរ​៕