ថ្ងៃទី ១០ ខែមីនា មជ្ឈមណ្ឌលប្រព័ន្ធសារព័ត៌មានសំខាន់នៃការប្រកួតកីឡាប៉ារ៉ាឡាំពិករដូវរងាក្រុងប៉េកាំងឆ្នាំ ២០២២ បានធ្វើសន្និសីទកាសែត អ្នកនាំពាក្យបានធ្វើបទឧទ្ទេសនាមអំពីការប្រកួតប៉ារ៉ាឡាំពិកBeijing2022 ជាមួយអ្នកកាសែតជាតិនិងអន្តរជាតិ។
អ្នកនាំពាក្យរូបនេះបានថ្លែងថា គណៈកម្មាធិការរៀបចំការប្រកួតកីឡាBeijing2022 បានប្រកាន់ខ្ជាប់ជានិច្ចនូវ “ការតម្កល់ទុកអត្តពលិកជាស្នូល” ។ ភូមិប៉ារ៉ាឡាំពិករដូវរងាត្រូវបានសម្គាល់ថាជា “ផ្ទះដ៏មានភាពកក់ក្តៅ” របស់អត្តពលិកដែលបានផ្តល់សេវា ២៤ ម៉ោងលើ ២៤ ម៉ោងដល់បុគ្គលទាំងអស់ក្នុងភូមិកីឡាទាំងអត្តពលិកនិងមន្ត្រីប្រតិភូ ។ ឥឡូវការប្រកួតកីឡាជិតឈានដល់ទីបញ្ចប់ហើយ ភូមិប៉ារ៉ាឡាំពិកកំពុងត្រៀមការងារជូនដំណើរអត្តពលិកជាបណ្តើៗ។
អ្នកនាំពាក្យរូបនេះក៏បានថ្លែងទៀតថា ដើម្បីបង្កើនការស្វែងយល់របស់សាធារណជនចំពោះការប្រកួតកីឡាប៉ារ៉ាឡាំពិករដូវរងា Beijing2022 គណៈកម្មាធិការរៀបចំការប្រកួតបានប្រើវិធីផ្សព្វផ្សាយជាច្រើន ដូចជា ធ្វើការផ្សាយបន្តផ្ទាល់ការប្រកួតប៉ារ៉ាឡាំពិករដូវរងាតាមទម្រង់រូបភាព4K ជាលើកទីមួយ បង្ហោះវីដេអូឃ្លីបអំពីចំណេះដឹងទូទៅនៃការប្រកួតប៉ារ៉ាឡាំពិករដូវរងា ផ្តល់ភាពងាយស្រួលដល់ឥស្សរជនពិការភ្នែកពេលចុះឈ្មោះចូលគេហទំព័រនៃការប្រកួតប៉ារ៉ាឡាំពិករដូវរងាជាដើម ៕