ថ្ងៃទី១២ខែមីនា ផ្លូវដែកចិន-ឡាវដែលតភ្ជាប់ក្រុងគុនមីងខេត្តយូនណានប្រទេសចិនជាមួយនិងក្រុងវៀងចន្ទន៍ប្រទេសឡាវ បានដំណើរការគ្រប់100ថ្ងៃហើយ។ ទិន្នន័យថ្មីបំផុតបានបង្ហាញថា ចាប់តាំងពីផ្លូវដែកចិន-ឡាវដាក់ឱ្យដំណើរការមក ទំហំដឹកជញ្ជូន បានលើសពី១លាន២សែនតោន ទំហំដឹកជញ្ជូនទំនិញឆ្លងដែនបានលើសពី២សែន៨ម៉ឺនតោន ចំនួនដឹកភ្ញៀវបានលើសពី១លាន៨សែននាក់ ព្រមទាំងបានក្លាយជាជម្រើសដំបូងសម្រាប់ការធ្វើដំណើរប្រកបដោយសុវត្ថិភាព បៃតង ប្រសិទ្ធភាពនិងឆាប់រហ័សរបស់ប្រជាពលរដ្ឋទៀតផង។
ផ្លូវដែកចិន-ឡាវក្រៅពីបានផ្តល់ភាពងាយស្រួលដល់ការដឹកជញ្ជូនទំនិញ ធ្វើឱ្យការធ្វើដំណើរកាន់តែមានសុវត្ថិភាព វាក៏បានធ្វើជាសាក្សីនូវការចាប់បដិសទ្ធិនៃអ្នកបើកបររថភ្លើងលើកដំបូងរបស់ប្រទេសឡាវផងដែរ។ ក្នុងដំណើរកសាងផ្លូវដែក ប្រទេសចិនបានបើកវគ្គបណ្តុះបណ្តាលដោយឥតគិតថ្លៃសម្រាប់បុគ្គលិកការងារដែលមានសញ្ជាតិឡាវ បានបណ្តុះបណ្តាលធនធានមនុស្សផ្នែកផ្លូវដែកក្នុងនោះរួមមានអ្នកបើកបររថភ្លើងដំបូងរបស់ប្រទេសឡាវ៕