តាំងពីថ្ងៃទី១៣ ខែមីនា ឆ្នាំ២០២២ ដើម្បីពលរដ្ឋធ្វើតេស្តរកជំងឺកូវីដ១៩ មានភាពងាយស្រួល ទីក្រុងគុនមីញខេត្តយូណាន ចាប់ផ្តើមសកម្មភាពឡានចល័តសម្រាប់ធ្វើតេស្តរកជំងឺកូវីដ១៩ ដើម្បីផ្តល់ភាពងាយស្រួលដល់ពលរដ្ឋក្នុងទីក្រុង ។
ឡានចល័តសម្រាប់ធ្វើតេស្តរកជំងឺកូវីដ១៩ នីមួយៗមានគ្រូពេទ្យចំនួន ៤នាក់ដល់ ៦ នាក់ ។ ក្រៅពីយកសម្ភារៈការពារ និងសម្ភារៈធ្វើតេស្តរកជំងឺកូវីដ១៩ គ្រូពេទ្យទាំងអស់មានឧបករណ៍ប្រមូលព័ត៌មានមួយ ដើម្បីផ្តល់ការងាយស្រួលដល់ពលរដ្ឋដែលអាចធ្វើតេស្តរកជំងឺកូវីដ១៩នៅជិតផ្ទះ និងកាត់បន្ថយការតម្រង់ជួរក្នុងទីតាំងកំណត់ ។
ទីក្រុងគុនមីញនឹងបន្តផ្តល់សេវាកម្មនូវឡានចល័តសម្រាប់ធ្វើតេស្តរកជំងឺកូវីដ១៩ទៀត តាមស្ថានភាពការគ្រប់គ្រងជំងឺកូវីដ១៩ និងតម្រូវការរបស់ពលរដ្ឋ ។
ប្រភព៖វេបសាយ guangming
អ្នកបកប្រែ៖刘蓉