តាមស្ថិតិពាក់ព័ន្ធបានបង្ហាញឱ្យដឹងថា នៅឆ្នាំ ២០២១ ទំហំពាណិជ្ជកម្មនៃការលក់រាយរថយន្តថាមពលថ្មីរបស់ខេត្តយូណានដែលបានកើនឡើង ២៤៧.៩% ។
លោក យ៉ាង ជូន អគ្គនាយករបស់ហាង BYD ៤S បានរៀបរាប់ថា តាមបច្ចេកទេស និងឧបករណ៍ជំនួយរបស់រថយន្តថាមពលថ្មីកាន់តែល្អប្រសើរ គំនិតសន្សំថាមពល និងការការពារបរិស្ថាន ការធ្វើដំណើរដែលមានកាបូនទាបកាន់តែទទួលបានការពេញចិត្ត ហើយដោយសារតម្លៃប្រេងកើនឡើង រថយន្តថាមពលថ្មីទទួលប្រជាប្រិយភាពក្នុងទីផ្សារខេត្តយូណាន ។
លោក វ៉ាងជីន នាយកផ្នែកលក់របបស់ក្រុមហ៊ុន GAC Toyota បានរៀបរាប់ថា តាមអតិថិជនដែលមានអាយុខុសពីគ្នា គេមានចំណូលចិត្តខុសពីគ្នាក្នុងការជ្រើសរើសរថយន្តថាមពលថ្មី ។ អតិថិជនមានអាយុពី ២០ ឆ្នាំ ដល់ ៣០ឆ្នាំមានតម្រូវការដល់រូបរាងរថយន្ត និងលក្ខណៈពិសេសថ្មីៗច្រើនជាង ។ ចំពោះអតិថិជនចំណាស់ គេទិញរថយន្តថាមពលថ្មីដើម្បីផ្លាស់ប្តូររថយន្តសាំង ។
ហេតុផលដែលអតិថិជនលោកស្រី ឆាន ជានលី ជ្រើសរើសរថយន្តថាមពលថ្មីគឺ តម្លៃសមរម្យ និងការពារបរិស្ថាន ។ លោកស្រីបានរៀបរាប់ថា “បើជិះរថយន្តថាមពលថ្មីមួយឆ្នាំអាចសន្សំបានប្រហែល២០០០០យ័នសម្រាប់ឡើងឧស្ម័ន ហើយការពារបរិស្ថាន ។”
ប្រភព៖កាសែតយូណានដេលី
អ្នកប្រែ៖刘蓉