ភាពយន្តឯកសារ«មនាសញ្ចេតនារួមសុខរួមទុក្ខរវាងចិន និងកម្ពុជា»ដែលរួមថតដោយមជ្ឈមណ្ឌលផ្សព្វផ្សាយទ្វីបទាំងប្រាំ វិទ្យុ និងទូរទស្សន៍ក្វាងស៊ី និងទូរទស្សន៍ជាតិកម្ពុជា នឹងចាក់បញ្ចាំងតាមទូរទស្សន៍ក្វាងស៊ីនៅថ្ងៃទី ២៣ ខែមីនា ម៉ោង ២១ និង២០ នាទី និងចាក់បញ្ចាំងតាមឆានែលអន្តរជាតិក្វាងស៊ីនៅថ្ងៃទី ២៣ ខែមីនា ម៉ោង ២១ ។ ការចាក់បញ្ចាំងតាមទូរទស្សន៍ជាតិកម្ពុជានៅថ្ងៃទី ២៣ ខែមីនា ម៉ោង ២១ (ម៉ោងភ្នំពេញ)។
ភាពយន្តឯកសារនេះបានកត់ត្រាដំណើរដែលប្រទេសចិន និងកម្ពុជាចាប់ដៃគ្នាប្រឆាំងនឹងជំងឺកូវីដ-១៩ ដែលជាភាពយន្តឯកសារពិតប្រាកដអំពីប្រទេសទាំងពីរចិននិងកម្ពុជាជួយគ្នាទៅវិញទៅមកក្នុងគ្រាលំបាក ។ ក្នុងភាពយន្តឯកសារនេះ មានរឿងសំខាន់ៗជាច្រើន ដូចជាឯកឧត្តម ស៊ី ជីនភីង ថ្វាយសម្តេចព្រះមហាវីរក្សាត្រី ព្រះវររាជមាតាជាតិខ្មែរនូវគ្រឿងឥស្សរយយសមិត្តភាព ។ សម្តេចតេជោ ហ៊ុន សែន នាយករដ្ឋមន្ត្រីកម្ពុជាធ្វើទស្សនកិច្ចនៅប្រទេសចិនក្នុងដំណាក់កាលដ៏លំបាកបំផុតដែលប្រទេសចិនប្រយុទ្ធប្រឆាំងនឹងជំងឺកូវីដ-១៩ ។ កម្ពុជាបរិច្ចាគសម្ភារប្រឆាំងជំងឺជំងឺកូវីដ-១៩ដល់ប្រទេសចិន ។ ចិនផ្តល់វ៉ាក់សាំងដល់កម្ពុជាដោយឥតគិតថ្លៃជាដើម ។ ក្នុងភាពយន្តឯកសារនេះមានការសំភាសន៍ភាគីនានានៃប្រទេសកម្ពុជា ដែលបានបង្ហាញពីអត្ថន័យស្នូលរួមវាសនារវាងចិននិងកម្ពុជានូវ”មនាសញ្ចេតនារួមសុខរួមទុក្ខក្នុងគ្រាលំបាក” ។
ប្រភព៖China News
អ្នកបកប្រែ៖刘蓉