ប្រទេសចិននិងឧត្តមស្នងការទទួលបន្ទុកជនភៀសខ្លួននៃអង្គការសហប្រជាជាតិផ្តល់ជំនួយសម្ភារៈមនុស្សធម៌ដល់អាហ្វហ្កានីស្ថាន

2022-03-28 16:45:45 |ប្រភព:CRI

  ថ្ងៃទី​២៧ ខែមីនា ​ពិធី​ប្រគល់-ទទួល​ជូន​អំពីជំនួយ​សម្ភារៈ​មនុស្សធម៌​របស់​​មូលនិធិ​ផ្តល់​ជំនួយ​នៃ​កិច្ចសហប្រតិបត្តិការ​ផ្នែក​សេដ្ឋកិច្ច​និង​បច្ចេកទេស​រវាង​ប្រទេស​កំពុង​អភិវឌ្ឍន៍​និង​ឧត្តមស្នងការ​ទទួល​បន្ទុក​​ជនភៀសខ្លួន​នៃអង្គការសហប្រជាជាតិ​បាន​រៀបចំ​នៅទីក្រុង​កាប៊ុល ​រដ្ឋធានី​អាហ្វហ្កានីស្ថាន​។​លោក​WangYu​ឯកអគ្គរដ្ឋទូត​ចិន​ប្រចាំ​នៅ​អាហ្វហ្កានីស្ថាន​និង​តំណាង​ស្តីពី​នៃ​ឧត្តមស្នងការ​ទទួល​បន្ទុក​​ជនភៀសខ្លួន​នៃ​អង្គការសហប្រជាជាតិ​ប្រចាំ​នៅ​អាហ្វហ្កានីស្ថាន​បាន​អញ្ជើញ​ចូលរួមពិធីនេះ​។

  លោក​WangYuបាន​លើកឡើងថា​ ​ចាប់​ពី​ផ្ទុះការរីករាលដាល​នៃ​ជំងឺកូវីដ​១៩​មក​ ​រដ្ឋាភិបាល​ចិន​យកចិត្តទុកដាក់​​ខ្ពស់​ចំពោះ​ស្ថានភាព​ជីវភាព​របស់​ប្រជាជន​អាហ្វហ្កានីស្ថាន​ដែល​រង​ឥទ្ធិពល​ពី​ការ​រីករាលដាល​នៃជំងឺកូវីដ​១៩​ ​ភាពចលាចល​និង​គ្រោះ​​រាំងស្ងួត​ ​មូលនិធិ​នៃកិច្ចសហប្រតិបត្តិការ​ផ្នែក​សេដ្ឋកិច្ច​និង​បច្ចេកទេស​រវាង​ប្រទេស​កំពុង​អភិវឌ្ឍន៍​បាន​អនុម័ត​ការស្នើ​របស់​ឧត្តមស្នងការ​ទទួល​បន្ទុក​​ជនភៀស​ខ្លួន​​នៃ​អង្គការសហប្រជាជាតិ​អំពី​ការ​ផ្តល់​ជំនួយ​​សម្ភារៈ​បន្ទាប់​សម្រាប់​ជនភៀស​ខ្លួន​​និង​ការ​គាំទ្រ​ដល់​វិស័យ​អប់រំ​ដល់​ក្រុម​ងាយ​រង​គ្រោះ​នៅ​អាហ្វហ្កានីស្ថាន​ ​ដោយ​​ផ្តល់​ជំនួយ​ជា​ប្រាក់​​ដល់​ប្រជាជន​អាហ្វហ្គានីស្ថាន​ដែល​កំពុង​រង​ទុក្ខលំបាក​​។​ក្រោម​ការ​ខិតខំ​ប្រឹង​ប្រែង​របស់​បុគ្គលិក​ការងារ​នៃ​ឧត្តមស្នងការ​ទទួល​បន្ទុក​ជន​​ភៀសខ្លួន​នៃ​អង្គការ​សហប្រជាជាតិ​ ​សម្ភារៈទាំង​អស់​​បាន​បញ្ជា​ទិញ​រួចរាល់​ហើយ​ ​ហើយ​កំពុង​ចែក​ជូន​ជនភៀស​ខ្លួន​ជា​បន្តបន្ទាប់​នៅ​ខេត្ត​Kabulនិង​ខេត្តKandaha ជឿជាក់ថា​ ​សម្ភារៈទាំង​នេះ​នឹង​អាច​ផ្តល់​ជំនួយ​ជាក់ស្តែង​ដល់​ប្រជាជន​អាហ្វាហ្កានីស្ថាន​៕