នៅខេត្តយូណានមានអ្នកវិទ្យាសាស្ត្រមួយរូបបានគូរ”ពង្សាវតារ”ផ្សិតថ្លើមគោយូណាន គាត់ឈ្មោះ វូ កាំង ជាសហការីអ្នកស្រាវជ្រាវរបស់វិទ្យាស្ថានរុក្ខសាស្ត្រគុនមីញនៃបណ្ឌិត្យសភាវិទ្យាសាស្ត្រចិន គាត់បានប្រើប្រាស់រយៈពេល ៦ ឆ្នាំគូរ”ពង្សាវតារ”ផ្សិតថ្លើមគោយូណាន ដែលបានក្លាយជាមូលដ្ឋាននៃប្រព័ន្ធស្រាវជ្រាវផ្សិតថ្លើមគោយូណានអន្តរជាតិ ។
លោក វូ កាំង បានស្រាវជ្រាវផ្សិតថ្លើមគោយូណានរយៈពេលជាង ១០ ឆ្នាំហើយ ឱ្យតែក្រឡេកមើលបន្តិច លោកនឹងដឹងច្បាស់ពីប្រភេទរបស់ផ្សិតថ្លើមគោយូណាន តើមានជាតិពុលដែរឬទេ ។ ទោះបីបែបនេះក្តី លោក វូ កាំង ថា ចំពោះវិស័យនេះ គាត់នៅតែមានចំណេះដឹងច្រើនដែលមិនទាន់ច្បាស់ ឲ្យតែស្រឡាញ់ ពិតជាអាចរកភាពសប្បាយរីករាយក្នុងនោះ ។ ផ្សិតថ្លើមគោយូណានជាផ្សិតព្រៃដែលអាចបរិភោគបាន ការប្រមូលផ្សិតព្រៃជាប្រភពចំណូលដ៏សំខាន់សម្រាប់អ្នករស់នៅតំបន់ភ្នំ ។ ក៏ប៉ុន្តែ ផ្សិតថ្លើមគោយូណានភាគច្រើនមិនអាចដាំបានដោយមនុស្សនោះទេ។ ពីរបីឆ្នាំកន្លងមកនេះ កិច្ចការស្រាវជ្រាវដែលធ្វើឱ្យលោក វូកាំងមានចាប់អារម្មណ៍គឺ ការស្រាវជ្រាវលើប្រភេទផ្សិតថ្លើមគោយូណានណាមានសក្តានុពលជាងគេសម្រាប់មនុស្សដាំដុះ ។
ក្រៅពីផ្សិតថ្លើមគោយូណាន ផ្សិតក្រពះចៀមក៏មិនអាចដាំដុះដោយមនុស្សបាន ប៉ុន្តែ ក្រោមពីការខិតខំប្រឹងប្រែងរបស់ក្រុមលោក វូ កាំង ប្រទេសចិនបានស្ទាត់ជំនាញដោយជោគជ័យនូវបច្ចេកវិទ្យានៃការដាំផ្សិតក្រពះចៀមយូណានមានទិន្នផលខ្ពស់ និងមានស្ថិរភាព បច្ចេកវិទ្យានេះមិនត្រឹមតែជាបច្ចេកវិទ្យាឈានមុខគេលើពិភពលោកប៉ុណ្ណោះទេ ថែមទាំងជួយប្រជាជនរស់នៅក្នុងតំបន់ភ្នំនៃមណ្ឌលស្វយ័តជនជាតិលីស៊ូ នូជាំង និងមណ្ឌលស្វយ័តជនជាតិទីបេត៍ជាដើមក្នុងការបង្កើនប្រាក់ចំណូល ។
ប្រភព៖កាសែតប្រជាជនដេលី
អ្នកបកប្រែ៖刘蓉