នាព្រឹក ថ្ងៃទី១៦ ខែមេសា ឆ្នាំ២០២២ ម៉ោងទីក្រុងប៉េកាំង ក្រុមអវកាសយានិកលោក Zhai Zhigang អ្នកនាង Wang Yaping និង លោក Ye Guangfu នៃយានអវកាសShenzhou-១៣ ដែលត្រូវបានគេហៅថាក្រុម ”អារម្មណ៍ល្អ” បានបញ្ចប់ការងារក្នុងលំហ និងវិញត្រឡប់មកផែនដីវិញ ដោយបានរស់នៅ និងបំពេញការងារក្នុងស្ថានីយអវកាសរយៈពេល ៦ ខែ ។
ដំណើរក្នុងលំហរយៈពេល ១៨៣ ថ្ងៃនេះ អវកាសយានិកបានបញ្ចប់ការពិសោធន៍វិទ្យាសាស្ត្រអវកាស និងការផ្ទៀងផ្ទាត់បច្ចេកទេសជាច្រើន ពីការធ្វើដំណើរនៅក្រៅស្ថានីយអវកាសដល់ការសម្រេចបានយានអវកាសដឹកជញ្ជូនទំនិញនិងស្ថានីយអវកាសភ្ជាប់គ្នាដោយប្រើប្រាស់ការបញ្ជាពីចម្ងាយ ។ ពីការដើរក្នុងលំហសម្រាប់ស្រ្តីចិនលើកដំបូងដល់កំណត់ត្រាយូរបំផុតដែលអវកាសយានិកទាំងបីនាក់ស្នាក់នៅក្នុងលំហ ។ ការសាងសង់ស្ថានីយអវកាសរបស់ប្រទេសចិនកំពុងដំណើរការតាមគម្រោងនៅក្នុងលំដាប់កិច្ចការរបស់យានអវកាសShenzhou-១៣។ កិច្ចការលើកនេះទទួលជោគជ័យពេញលេញ ដែលជាសញ្ញាបង្ហាញថាបច្ចេកវិទ្យានៃការសាងសង់ស្ថានីយអវកាសត្រូវបានផ្ទៀងផ្ទាត់យ៉ាងពេញលេញ មន្ទីរពិសោធន៍អវកាសជាតិ ដែលបានឃើញគំរូដើមនោះនឹងបញ្ចប់ការសាងសង់ជាផ្លូវការ ។
អវកាសយានិកចិនបង្ហាញ ”អារម្មណ៍ល្អ” នៅក្នុងលំហដ៏ធំទូលាយដែលបានមកពីការច្នៃប្រឌិតថ្មីនៃទំនុកចិត្តរបស់អវកាសយានិកចិន និងច្នៃប្រឌិតនៃបច្ចេកវិទ្យាអវកាស។ អវកាសយានិកចិនស្លៀកពាក់ឈុតលំហអាកាសនៅក្រៅស្ថានីយអវកាស ដែលច្នៃប្រឌិតដោយប្រទេសចិន បង្ហាញពីចំណាប់អារម្មណ៍នឹងធឹង” ខ្ញុំបាននៅក្រៅស្ថានីយអវកាសហើយ មានអារម្មណ៍ល្អប្រសើរ ” ។ បច្ចេកទេស ៥G ក្នុងលំហបានគាំទ្រអវកាសយានិកចិនចែករំលែកទេសភាពដ៏ស្រស់ស្អាតនៃលំហក្នុងរយៈកម្ពស់ ៤០០ គីឡូម៉ែត្រ ហើយការបង្រៀនក្នុងលំហដំណើរការយ៉ាងរលូន ។ ពីមុន សម្ភារៈបានត្រូវដឹកជញ្ជូនដោយយានអវកាសសម្រាប់អវកាសយានិកចិនស្នាក់នៅ សព្វថ្ងៃ មានយានអវកាសដឹកទំនិញពិសេសដឹកទំនិញសម្ភារៈឱ្យអវកាសយានិកចិន ការច្នៃប្រឌិតដោយឯករាជ្យជំរុញការអភិវឌ្ឍនៃបច្ចេកវិទ្យាលំហ និងបន្តពង្រឹងសមត្ថភាពរបស់ប្រជាជនចិនក្នុងការចូលចេញទៅកាន់លំហអាកាស ។
ប្រភព៖ប្រជាជនដេលី
អ្នកបកប្រែ៖刘蓉