នៅឆ្នាំ ២០២១ ក្រោយការដឹកនាំពីមូលនិធិចិនសម្រាប់កាត់បន្ថយភាពក្រីក្រ និងជំនួយពីមូលនិធិសប្បុរសធម៌ COSCO SHIPPING ប្រទេសចិន ក្រុមហ៊ុនHELOបានចូលរួម”គម្រោងកង់ជួយឧបត្ថម្ភអន្តរជាតិ” ។ ក្នុងកំឡុងពេលបុណ្យចូលឆ្នាំថ្មីប្រពៃណីចិន កង់ដែលមកពីចិននេះត្រូវបានដឹកជញ្ជូនដល់ប្រទេសកម្ពុជា ហើយត្រូវបានចែកជូនសាលាចំនួន ៦៧ ក្នុងខេត្តចំនួន ៤ ដែលមានសិស្សចំនួន ១០០០ នាក់បានទទួលកង់ ។
ក្មេងស្រី ឈុន ឈានលីង ជាសិស្សថ្នាក់ទី ៦ របស់សាលាបឋមសិក្សាឈឹគឹនៃខេត្តតាកែវ សាលានេះស្ថិតនៅភាគខាងត្បូងនៃរាជធានីភ្នំពេញប្រទេសកម្ពុជា ។ គ្រួសាររបស់ក្មេងស្រី ឈុន ឈានលីងក្រីក្រណាស់ ប៉ុន្តែនាងនៅតែបន្តទៅសាលារៀន ក្នុងភូមិរបស់ក្មេងស្រី ឈុន ឈានលីងមានកុមារជាច្រើនបានឈប់សិក្សាដោយសារគ្រួសារក្រីក្រ ។ សាលារបស់ក្មេងស្រី ឈុន ឈានលីងមានចម្ងាយជិត ៣ គីឡូម៉ែត្រ ប៉ុន្មានឆ្នាំកន្លងមកនេះ នាងបានដើរទៅសាលា ដែលត្រូវប្រើពេលជាងកន្លះម៉ោង ។ ក្រៅពីនេះ អាកាសធាតុក្តៅនៅកម្ពុជាធ្វើឲ្យក្មេងស្រីធ្លាប់ចង់ឈប់ទៅសាលា។
ក្មេងស្រី ឈុន ឈានលីងបានរៀបរាប់ដោយសប្បាយរីករាយថា “សព្វថ្ងៃ ខ្ញុំបានកង់មួយគ្រឿងមកពីខេត្តក្វាងចូវប្រទេសចិន ដែលបានផ្តល់ភាពងាយស្រួលដល់ខ្ញុំច្រើនណាស់ ។ ខ្ញុំជិះកង់ទៅសាលាប្រើពេលតែ៥ នាទីដល់ ១០ នាទី ។” ឪពុកម្តាយរបស់ក្មេងស្រី ឈុន ឈានលីងបានបញ្ជាក់ថា កូនស្រីស្រឡាញ់កង់ខៀវដែលមកពីប្រទេសចិននេះ ក្រោយមកពីសាលា កូនស្រីលាង និងជូតកង់នេះរៀងរាល់ថ្ងៃ ។
ចំពោះកុមារាកុមារីក្នុងតំបន់ជនបទ ជាពិសេសក្នុងប្រទេសខ្វះការអភិវឌ្ឍ ការលំបាកក្នុងការធ្វើដំណើរទៅសិក្សាក៏ព្រោះតែផ្លូវទៅសាលាមានការលំបាក។ តាមប្រភពព័ត៌មានបានឱ្យដឹងថា ក្នុងតំបន់ជនបទរបស់ប្រទេសកម្ពុជា សិស្សត្រូវដើរក្នុងចម្ងាយឆ្ងាយទៅសាលាដែលសឹងតែជារឿងធម្មតា ឯសិស្សខ្លះត្រូវដើរ ៧ គីឡូម៉ែត្រពីផ្ទះទៅសាលាក៏មាន ។ ឆ្នាំ២០២២ នេះ សាលាបឋមសិក្សាឈឹគឹបានទទួលការបរិច្ចាគកង់ចំនួន ៣៥ គ្រឿង ។ លោក គុន ហឹរអេង នាយកសាលាបឋមសិក្សាឈឹគឹបានរៀបរាប់ថា “កង់ទាំងនោះនឹងជួយសិស្សផ្លាស់ប្តូរជីវិភាពរស់នៅ និងនាំសេចក្តីសង្ឃឹមដល់ពួកគាត់ ។ បើយើងទិញកង់នៅប្រទេសកម្ពុជា តម្លៃកង់មួយគ្រឿងគឺប្រមាណ ២៥០០០០ រៀល(ស្មើនឹង ៣៩០ យ័នប្រាក់ចិន) ចំពោះគ្រួសារនៅតំបន់ជនបទត្រូវប្រើរយៈពេល ១ ខែដល់ ២ ខែទើបអាចរកបានប្រាក់ទាំងនេះ ។”
ក្រោយពីគម្រោងនេះត្រូវបានអនុវត្ត បុគ្កលិកការងារបានទទួលសំបុត្រថ្លែងអំណរគុណមកពីសាលា និងសិស្ស ។ សិស្សបានបញ្ជាក់ក្នុងសំបុត្រថា កង់ជួយពួកគេច្រើនណាស់ក្នុងធ្វើដំណើរទៅសិក្សា និងក្នុងការរស់នៅ ។
ប្រភព៖កាសែតក្វាងចូវដេលី
អ្នកបកប្រែ៖刘蓉