នាថ្ងៃទី១២ ខែឧសភា ឆ្នាំ ២០២២ ម៉ោង ៨ និង៩នាទី យន្តហោះលេខTV៩៨៣៣របស់ក្រុមហ៊ុនអាកាសចរណ៍ Tibet Airlines (ពីទីក្រុងឆុងឈីងទៅទីក្រុងលានជី) បានហោះចេញពីផ្លូវពេលកំពុងហោះឡើងនៅអាកាសយានដ្ឋានអន្តរជាតិជាំងប៉េទីក្រុងឆុងឈីង ហើយផ្នែកខាងឆ្វេងនៃក្បាលយន្តហោះបានឆេះ ។ អាកាសយានដ្ឋានអន្តរជាតិជាំងប៉េទីក្រុងឆុងឈីងបានចាប់ការងារសង្គ្រោះយ៉ាងឆាប់រហ័ស កម្លាំងសង្គ្រោះ ដូចជាប៉ូលីស អ្នកពន្លត់អគ្គិភ័យ និងគ្រូពេទ្យជាដើម ទៅដល់អាកាសយានដ្ឋានអន្តរជាតិជាំងប៉េទីក្រុងឆុងឈីងទាន់ពេលវេលា ដើម្បីធានាសុវត្ថិភាពរបស់មនុស្សលើយន្តហោះ ។ ភ្ញៀវចំនួន ១១៣ នាក់ និងបុគ្គលិកលើយន្តហោះចំនួន ៩ នាក់បានជម្លៀសចេញពីយន្តហោះដោយសុវត្ថិភាព ក្នុងចំណោមនេះ មានភ្ញៀវចំនួន ៤០ នាក់ដែលរងរបួសស្រាលត្រូវបានជញ្ជូនទៅមន្ទីរពេទ្យ ។ សព្វថ្ងៃ ជើងហោះហើរនៅអាកាសយានដ្ឋានអន្តរជាតិជាំឆុងឈីងហោះចេញហើយចុះចតដូចធម្មតាវិញហើយ។ មូលហេតុនៃគ្រោះថ្នាក់នេះកំពុងធ្វើការស៊ើបអង្កេត។
ប្រភព៖China News
អ្នកបកប្រែ៖刘蓉