ថ្មីៗនេះ ក្នុងមន្ទីពេទ្យចល័តនៅផ្លូវឡុងហ្វាតុង សង្កាត់ហ្វឹងភូ ទីក្រុងសៀងហៃ ប្រទេសចិន ក្រុមពេទ្យខេត្តយូណានជំនួយទីក្រុងសៀងហៃបានយកចិត្តទុកដាក់រៀបចំកាដូ ដើម្បីជូនពរថ្ងៃខួបកំណើតដល់លោកយាយមួយរូបដែលឆ្លងជំងឺកូវីដ-១៩ ។
តើគ្មានផ្កាស្រស់ គ្មានកាតជូនពរនិងកាដូត្រូវធ្វើដូចយ៉ាងម្តេច? ក្រុមពេទ្យខេត្តយូណានប្រើប្រអប់ធ្វើជាកាតជូនពរ និងគូរគំនូរផ្កា ហើយប្រើប្រាស់ក្រដាសសសរសេរពាក្យ”រីករាយថ្ងៃខួបកំណើត”ជូនពរលោកយាយឲ្យឆាប់ជាសះស្បើយវិញ”ជាដើម ។ ក្រៅពីនេះ ក្រុមពេទ្យខេត្តយូណានបានជូនផ្លែឈើ នំប៉ាវ ទឹកដោះគោជូនដល់លោកយាយ ។
លោកយាយបានរៀបរាប់ថា “ផ្កាស្រស់ កាតជូនពរ និងកាដូទាំងអស់ខ្ញុំនឹងយកទៅផ្ទះវិញ ហើយរក្សាទុក។ ថ្ងៃខួបកំណើតនេះជាថ្ងៃខួបកំណើតពិសេស និងមានអត្ថន័យសំខាន់ជាងគេសម្រាប់ខ្ញុំ។ ជូនពរខ្ញុំឲ្យជាសះស្បើយឆាប់ៗ ទីក្រុងសៀងហៃនឹងឆាប់សម្រេច zero-COVID ហើយខ្ញុំសង្ឃឹមថា ក្រុមពេទ្យខេត្តយូណានអាចទៅផ្ទះវិញ និងជួបជុំសមាជិកគ្រួសារឆាប់ៗនេះ។”
ប្រភព៖កាសែតយូណានដេលី
អ្នកបកប្រែ៖刘蓉